ОХУ-ын Ерөнхийлөгч Владимир Путин өчигдөр ОХУ-ын өөртөө нэгтгэсэн боловч бүрэн хяналтдаа аваагүй байсан Украины дөрвөн бүс нутагт цэргийн онц байдал зарлав. Энэ нь Москва Украины цэргийн дэвшлийг зогсоохын тулд тэмцэж байгаа алхам аж. 

Донецк, Луганск, Херсон, Запорожжиа гэсэн дөрвөн нутаг дэвсгэрт цэргийн дэглэм тогтоосноор эрх баригчдад хөл хорио тогтоох, эд хөрөнгийг хураах, оршин суугчдыг өөр бүс нутаг руу албадан нүүлгэн шилжүүлэх, бичиг баримтгүй цагаачдыг хорих, хяналтын цэг байгуулах, хүмүүсийг 30 хүртэл хоног баривчлах боломжтой болно.

Путин мөн ОХУ-ын бүс нутгийн засаг дарга нарт илүү их эрх мэдлийг шилжүүлж байгаа нь тэднийг эх орондоо илүү хязгаарлах арга хэмжээ авах боломжийг олгож буй хэмээн мэдэгдэв.

Путин бүс нутгуудад хяналт тавих бодолтой байгаагаа зарлах үед Оросын эзлэн түрэмгийлэгч албаныхан Херсон хотоос 60,000 орчим энгийн иргэдийг иргэний засаг захиргааны хамтаар нүүлгэжээ.

Энэхүү нүүлгэн шилжүүлэлт нь Оросууд хотыг эзэмшиж байгаагийн бас нэг дохио байв.

Орос саяхан Сириэс цэргийн техник хэрэгсэл татаж, цэргээ дахин байршуулсан бөгөөд Европын Холбоо Орост нисгэгчгүй онгоц нийлүүлсний төлөө Иранд хориг тавихаар тохиролцсон байна.

Оросын нийслэл даяар ресторан, дэлгүүр, олон нийтийн дунд эрчүүд мэдэгдэхүйц цөөрчээ. Украинд байлдахаар олон хүн дуудагдсан, харин бусад нь дүрвэсэн юм.

Б.Бүжлхамаа