Даваа гаригт Ерөнхийлөгч Жо Байден "Оюутны зээл авсан иргэд 20,000 доллар хүртэлх өрийг нь өршөөх хүсэлтээ онлайнаар явуулж болго" гэж мэдэгдэв.

Тэрээр "Энэ бол сая сая америкчуудын ачааг хөнгөлөх, амьдралыг өөрчлөх болно. Бид маш их хүчин чармайлт гаргасан" гэж хэлжээ.

Оюутны өрийг дарах хүсэлт гаргах хүсэлтэй хүмүүс StudentAid.gov хаягаар орж маягт бөглөх аж.

Зээлдэгч 2023 оны арванхоёрдугаар сарын 31-ний өдрийг хүртэл өргөдлөө өгөх ёстой.

Өнгөрсөн наймдугаар сард Байден жилд 125,000 доллараас бага орлоготой иргэдийн оюутны зээлийн өрийг 10,000 доллар, заримд нь 20,000 долларын зээлийг цуцлах шийдвэрээ зарласан. Түүний төлөвлөгөөний сүүлийн үе шатад нийт 43 сая зээлдэгчийн өрийг дарах төлөвтэй байна.

2022 оны нэгдүгээр сард гаргасан тооцоогоор оюутнууд болон төгсөгчид Засгийн газартаа 1.6 тэрбум ам.доллар өртэй байна.

Б.Бүжлхамаа