Коммунист намын их хуралд Хятадын эрх баригч элитүүд цугларчээ. Энэ үед тус улсын Үндэсний статистикийн товчоо мягмар гаригийн өглөө гаргахаар төлөвлөж байсан эдийн засгийн мэдээллийг ямар ч тайлбаргүйгээр тодорхойгүй хугацаагаар хойшлуулахаар шийджээ.
Долдугаар сараас Есдүгээр сар хүртэлх эдийн засгийн өсөлтийг анхааралтай ажигласан тоонуудыг багтаасан байх төлөвтэй байсан тус датаг хойшлуулснаас харахад эдийн засаг муу хэвээр байгаа бололтой. Мөн Гаалийн ерөнхий газраас Есдүгээр сарын экспорт, импортын статистик мэдээг гаргахаа тодорхойгүй хугацаагаар хойшлуулжээ.
Томоохон орнууд иргэдийг итгэлийг алдагдуулах вий гэж эмээж, эдийн засгийн статистик мэдээ гаргахаа хойшлуулах нь ховор. Даваа гаригийн үдээс хойш Хятадын хөрөнгийн биржүүдийн арилжаа хаагдсаны дараа Үндэсний статистикийн газар мягмар гаригийн өглөө хийхээр төлөвлөж байсан улирал тутмын хэвлэлийн бага хурлаа цуцалсан юм.
Гурав дахь удаагаа удирдагчаар ажиллахаар зарлагдах нь тодорхой болсон Ши Жиньпиний удирдлаган дор Хятад улс эргэн ирж байна. Учир юу вэ гэвэл Хятадын коммунист намын зорилгод нийцүүлэхийг бизнесээс шаарддаг төрийн хяналттай эдийн засаг ноёрхно. Хятад улс либералчлалаас холдож байгаагаа урьд өмнөхөөсөө илүү тодорхой харуулав.
Б.Бүжлхамаа
