Өчигдөр Украины хилийн чанад дахь Оросын Белгород мужид хэд хэдэн цохилт болж, наад зах нь гурван хүн шархаджээ. Дэлбэрэлт юунаас болсон нь тодорхойгүй байгаа бөгөөд Украины албаныхан ямар нэгэн тайлбар хийгээгүй байна.
Дэлбэрэлт нь Оросын довтолгооны чухал үе шат болох Белгород руу довтлох ажиллагаа нэмэгдэж байгаагийн нэг хэсэг бололтой. Гэвч энэ нь Оросын ард түмнийг дайнаас холдуулах Путины хүчин чармайлтыг сулруулав. Орон нутгийн албаныхан буудлагад өртсөн хот тосгодыг нүүлгэн шилжүүлж эхлээд байна. Ням гаригийн байдлаар тус бүсэд дөрөв дэх өдөр дараалан цохилт болж буй аж.
Бямба гаригт тус бүс нутагт байрлах сургалтын баазад хоёр хүн Оросын цэргүүд рүү гал нээж, 11 хүн алагдаж, 15 хүн шархадсаны дараа халдлага үйлдэгч амиа егүүтгэсэн гэж төрийн мэдээллийн хэрэгслүүд мэдээлсэн. Халдлага үйлдэгчид өөрсдөө сургалтад хамрагдсан сайн дурын цэргүүд мөн эсэх нь тодорхойгүй байна.
Сүүлийн өдрүүдэд хэд хэдэн халдлага нь фронтын шугамаас алслагдсан Оросын эзэмшилд байсан бүс нутгуудад болж байна. Энэ дундаа Украины зүүн хэсгийн эзлэгдсэн Донецк хотод ням гаригт захиргааны байранд дэлбэрэлт болсон байна.
Саяхан цэрэгт татагдсан хүмүүсийн дунд долоон хүн нас барсан тухай Оросын хэвлэл мэдээллийн хэрэгслүүд мэдээлсэн. Ерөнхийлөгч Владимир Путин зарим тохиолдолд сургалтад ердөө 10 хоног зарцуулж болно гэж мэдэгджээ.
Б.Бүжлхамаа
