Ираны нийслэл дэх олон зуун тэрс үзэлтэн, улс төрийн хоригдлууд хоригдож буй Эвин шоронд өнгөрсөн бямба гаригт их хэмжээний гал гарчээ. Тус улсад шашны дэглэмийн эсрэг жагсаал тав дахь долоо хоногтоо өрнөж буй.

Шоронгийн ойролцоох хороололд дэлбэрэлт, буун дуу гарч байгааг гэрчүүд болон олон нийтийн сүлжээнд нийтэлсэн видео бичлэгүүд харуулж байна.

Төрийн мэдээллийн IRNA агентлагийн мэдээлснээр гал түймрийн улмаас найман хүн шархадсан бөгөөд шоронгийн зүүн жигүүрт мөргөлдөөн гарсан байна.

Галын шалтгаан болон хохирлын хэмжээ одоогоор тодорхойгүй байна. Олон нийтийн сүлжээгээр тэсрэх төхөөрөмж, оргох оролдлого, гаднаас шорон руу нэвтэрсэн гэх мэт зөрчилтэй мэдээллүүд гарсаар байгаа аж.

Эвин дэх энэхүү шоронгийн олон мянган хоригдлуудын дунд нэр хүндтэй сөрөг хүчний улс төрчид, идэвхтнүүд, хуульчид, сэтгүүлчид, байгаль орчны мэргэжилтнүүд, оюутнууд байдаг. Тус шорон нь эрүү шүүлт явуулдгаараа дэлхийд алдаршсан юм.

Б.Бүжлхамаа