Байдены засаг захиргаа Хятадын армийн технологийн хурдацтай хөгжлийг хязгаарлах, ялангуяа Хятадын дэвшилтэт чипүүдэд нэвтрэх боломжийг хаахыг хүсч байна.
Хятад улс нууц болон хэт авианы зэвсгийн системийг хөгжүүлэхийн тулд супер тооцоолуур болон хиймэл оюун ухааныг ашиглаж, АНУ-ын засгийн газрын хамгийн нууцлалтай шифрлэгдсэн мессежийг задлахыг оролдож байна гэж тагнуулын тайланд дурджээ. Өнгөрсөн долоо хоногт тус засаг захиргаа сүүлийн 10 жилийн хугацаанд Хятадад технологийн экспортод тавьсан АНУ-ын засгийн газрын хамгийн хатуу хяналтыг танилцууллаа гэж технологийн мэргэжилтнүүд мэдэгдэв.
Албаны хүмүүс болон салбарын удирдлагуудтай хийсэн олон арван ярилцлагадаа энэ бодлогыг хэрхэн нэгтгэсэн талаар дэлгэрэнгүй бичсэн байна. Захиргаа нь Голланд, Япон, Өмнөд Солонгос, Израиль, Их Британийн засгийн газар зэрэг холбоотнуудаа АНУ-тай зэрэгцэн хязгаарлалт зарлахад итгүүлэх гэж хэдэн сар зарцуулсан боловч эдгээр засгийн газруудын зарим нь дэлхийн хамгийн том технологийн зах зээлийн нэг болох Хятадаас хариу арга хэмжээ авахаас эмээж байв. Эцэст нь Байдены засаг захиргаа дангаараа ажиллахаар шийджээ.
АНУ-ын албаны хүмүүс экспортын хяналтыг урагшлуулах шийдвэрийг манлайллын үзүүлбэр гэж тайлбарлав. Тэд зарим холбоотнууд үүнтэй төстэй арга хэмжээ авахыг хүсч байгаа боловч Хятадыг эсэргүүцэхээс болгоомжилж байна гэж хэлэв. Гадаадын компаниудыг онилсон Вашингтоны дүрмүүд энд жин татна.
Хяналт нь АНУ-ын засгийн газрын өргөн хэмжээний дайралтын эхлэл байж магадгүй юм. Трампын засаг захиргааны үндэсний аюулгүй байдлын зөвлөхийн орлогч Мэттью Поттингер “Энэ нь засаг захиргааны сэтгэлгээнд ноцтой хувьсал гарсныг харуулж байна” гэж тэмдэглэв.
Б.Бүжлхамаа
