Иргэн бүрийг долоо хоногт хэд хэдэн удаа коронавирусийн шинжилгээнд хамруулах нь шинэ омгыг барих Хятадын "Тэг ковид" стратегийн гол зорилго байв.

Гэвч энэ арга нь Хятадын хамгийн том дэгдэлтийг удаашруулж чадаагүй юм. Харин одоо Хятадын улстөрийн чухал Коммунист намын их хуралд бэлтгэж байх үед уг хөтөлбөрийг дахин эхлүүлэх төлөвтэй байна

Хятадад 200 сая орчим хүн ямар нэгэн байдлаар хөл хорионд байгаа бөгөөд шаардлагуудыг биелүүлээгүй тохиолдолд ирэх шийтгэл улам хүндэрч байна. Цагдаа нар шалгалтыг алгассан хүмүүсийг заримдаа долоо хоногоос илүү хугацаагаар саатуулж байгаа аж.

Энэхүү шинжилгээний хөтөлбөр нь санхүүгийн асар их дарамтыг бий болгосон. Хятадын Банкны судалгааны хүрээлэнгийн тооцоолсноор гурван өдөр тутамд 900 сая хүн шинжилгээнд хамрагдвал тогтмол массын шинжилгээнд хамрагдалтанд жилд 100 тэрбум доллар зарцуулагдана гэжээ.

Урьдчилсан шинжилгээний ихэнх хэсгийг санхүүжүүлдэг засгийн газар төлбөрөө төлөхөд хэцүү байгаа шинж тэмдэг ажиглагдаж эхлэв.

Хятад улс ковидын тохиолдлыг илрүүлэх, тусгаарлах чадвар нь тахлын стратегийн бахархал байсан. Дэлхийн улс орнууд эмнэлгүүдийн ачаалал чинээндээ хүрч байх үед Хятадын ковидын тоо бага хэвээр, эдийн засаг шуугиан тарьсаар байлаа. Харин одоо эдийн засаг удааширч, бухимдал нэмэгдэж байна.

Б.Бүжлхамаа