Мьянмар улс сэтгүүлчдийн хувьд дэлхийн хамгийн аюултай газруудын нэг болжээ.

Өнгөрсөн жил цэргийнхэн төрийн эргэлт хийж засгийн эрхийг гартаа авснаас хойш ердөө хоёр долоо хоногийн дараа цэргийн хунта эрүүгийн хуулинд "айдас төрүүлсэн" эсвэл "худал мэдээ" тараасан нийтлэл бичвэл гэмт хэрэгт тооцож, хорих шинэ заалтыг бий болгосон.

Тэд тус улсын хамгийн алдартай эрэн сурвалжлах байгууллагуудын лицензийг цуцалж, олон зуун сэтгүүлч зугтжээ. Мьянмараас баривчлах, шоронд хорих, бүр үхэх эрсдэлд өртөж мэдэх хүмүүс зугтаасан юм.

Чөлөөт хэвлэлийн сүүлчийн сэтгүүл болох Oway-гийн бараг бүх сэтгүүлчид 20-30 насныхан байдаг байна. Төрийн эргэлтийн дараа сургуулиа орхисон 15 настай нэгэн сурвалжлагч “Би сурвалжлахаар гарах болгондоо баривчлагдах вий гэж үргэлж боддог” гэж хэлжээ.

Цэргийнхэн түүнийг баривчлах тушаал гаргаснаас хойш нуугдаж байсан сэтгүүлч Аун Сетт "Бууны эсрэг үзэгтэй тулалдана гэдэг амаргүй, гэхдээ би үүнийг үргэлжлүүлэн хийх хэрэгтэй" гэж хэлэв.

Төрийн эргэлт хийсэн өнгөрсөн хугацаанд 40 гаруй сэтгүүлч баривчлагдсан. Гурав нь цэргүүдэд алагдсан бол нэгийг нь тамлан хөнөөжээ. Энэ байдлаараа Мьянмар энэ онд Хятадыг гүйцэж түрүүлж, сэтгүүлчдийн хамгийн их хоригдолтой улс болж байна. Өмгөөллийн байгууллагын мэдээлснээр 57 хүн одоогоор Мьянмарт шоронд хоригдож байгаа аж. Хүний эрхийн байгууллагуудын мэдээлснээр Хятадад дор хаяж 51 хүн хэвлэн нийтэлснийхээ төлөө шоронд хоригдож байгааг мэдээлжээ.

Б.Бүжлхамаа