Сүүлийн жилүүдэд Өмнөд Солонгос гастродипломат арга буюу солонгос хоолыг дэлхийн хамгийн дуртай хоолны нэг болгох оролдлогыг хийж байна.

Хилийн чанад дахь солонгос хоолны газруудын тоо 2009 онд 9,253 байсан бол 2017 онд 33,499 болж, асар хурдацтай өсчээ. Энэ бүхэн нь "үндэсний брэнд"-ийг хөгжүүлэхэд чиглэж байгаа бөгөөд энэ нь жил бүр гаргадаг Үндэсний брендийн индексд тусгагдсанаар улс орон бүрийн өв уламжлал, соёлын үнэ цэнэ, үзэл баримтлалыг дэлхий даяар хэрхэн хүлээж авч байгааг хэмждэг. 2021 онд Өмнөд Солонгос 60 үндэсний брэндээс 23-т жагссан байдаг.

Өмнөд Солонгосын засгийн газар соёлын биет бус чухал өмч гэж нэрлэсэн зүйлээ хамгаалахыг хичээдэг. Эдгээр бүтээгдэхүүн нь эдийн засгийн шууд үр дагаварт хүргэж болзошгүй аж. Яг л Грек улс давслаг цагаан бяслагтаа "фета" гэдэг үгийг ашиглах онцгой эрхтэй байдаг шиг.

Үндсэрхэг үзлийг “гэртээ” байлгах нь илүү чухал байж болох ч үнэнч байдал нь улам хүчирхэгждэг хүмүүсийн хувьд брэнд нь дэлхийд илүү нэр хүндтэй байдаг байна. Нэгэн эрдэмтэн гастронационализм нь даяаршил, ялгааг арилгахын хариу үйлдэл бөгөөд амт нь газрын зураг дээрх хил хязгаараас илүү чухал гэжээ. Мөн хүмүүсийг өөрсдийгөө хэн болохыг мэдрэхэд чухал ач холбогдолтой гэж үздэг байна.

Гэхдээ янз бүрийн хоолны гарал үүсэл нь ихэвчлэн домог, эртнээс бүдэг бадаг ярианаас улбаатай юм гэж Лигая Мишан “T” сэтгүүлд бичжээ. Хоолны уламжлал хил хязгаарыг давж, гараа сольж, дасан зохицож, шинэчилсэн үндэстний хоолыг кодлох нь тухайн үндэстний хоолны амтыг илэрхийлэхийг хязгаарлаж чадах нарийн шинжлэх ухаан ажээ. 

Б.Бүжлхамаа