Өчигдөр өглөөний 07:30 цагийн орчимд Японы хойд нутгийн оршин суугчид гар утас дохио болон олон нийтийн чанга яригч дуугарах чимээнээр сэржээ. Тэдэнд хоргодох газар хайхыг мэдээлсэн байна. Хойд Солонгос дундын тусгалтай баллистик пуужин харвасан нь 2800 миль (ойролцоогоор 4500 километр) ниссэн нь Хойд Солонгосын зэвсгийн хамгийн хол зайг туулсан гэж Токио, Сөүлийн албаныхан мэдэгджээ.
Хамгийн сүүлд 2017 онд Дональд Трамп АНУ-ын ерөнхийлөгч байх үед Хойд Солонгос Японы дээгүүр зэвсэг хөөргөж, Ким Чен Ун Вашингтонтой зөрчилдөөнийг хурцатгах бодолтой байгаагаа илэрхийлж байв.
Бусад улс орнууд Оросын Украин дахь дайн, дэлхийн эдийн засгийн хямралд санаа зовж байхад Хойд Солонгос олны анхаарлын төвд байх байр сууриа эргүүлэн авахын төлөө тэмцсээр байна. Энэхүү пуужин нисгэлт нь Японы ард түмэнд цөмийн аюул заналхийлж байгааг санууллаа.
Ерөнхий мэдээллээр энэ онд Хойд Солонгос нэгдүгээр сараас хойш 23 удаа пуужингийн туршилт хийсэн. Өдгөө өдөөн хатгалга маш их болсон тул өчигдөр пуужин хөөргөх хүртэл олон япончууд анхаарлаа хандуулахаа больжээ. Пуужин Номхон далайд унасан байна.
Б.Бүжлхамаа
