Украины арми Донбассын зүүн бүс рүү түрж, өмнөд хэсэгт ялалт байгуулсантай зэрэгцэн Украин дахь Оросын арми өчигдөр фронтын шугамыг орхижээ.

Өнгөрсөн амралтын өдрүүдэд Украины хүчнийхэн Донецк мужийн Лайман хотыг эзлэн авсан байна. Энэ үйл явдлаас нэг өдрийн өмнө Владимир Путин тус нутгийг хууль бусаар нэгтгэсэн тухай мэдээ гаргасан хэдий ч тэндхийн оршин суугчдад энэ мэдээ хүрч ч амжсангүй. 

Оросын цэргүүд тулалдааны талбарт эмх замбараагүй байдалд удаа дараа орж байна. Саяхан ОХУ өөрийн нэг хэсэг гэж зарласан хоёр бүс нутгийнхаа хилийн заагийг ч мэдэхгүй гэдгээ хүлээн зөвшөөрчээ. Харин Киев болон барууны удирдагчид энэ алхамыг хууль бус гэж үзжээ.

Путины хэвлэлийн төлөөлөгч Дмитрий Песков өчигдөр сэтгүүлчдэд хэлэхдээ, "Хил хязгаарын хувьд бид эдгээр бүс нутгийн хүн амтай үргэлжлүүлэн зөвлөлдөх болно" гэж мэдэгджээ.

Орос улс цэрэг татлагатайгаа тэмцсээр байна. Алс Дорнодын Хабаровск мужид цэрэгт татагдсан хэдэн мянган оршин суугчдын тал нь эх орондоо буцаж ирсэн байна. Бүс нутгийн захирагч Михаил Дегтярев хэлэхдээ, "Тэд цэргийн алба хаах шалгуурыг хангаагүй" гэсэн байна.

Путин өнгөрсөн сард “хэсэгчилсэн дайчилгаа” зарласнаас хойш Орос даяар эсэргүүцлийн жагсаал өрнөж, цэрэг элсүүлэх төвүүд халдлагад өртөж, олон мянган эрчүүд эх орноосоо дүрвэсээр байгаа билээ.

Б.Бүжлхамаа