Инфляц ба эрчим хүчний хямрал Японы түргэн хоолны үнийг хөөрөгдлөө. Японд хямрал ямар байгааг McDonald's бүтээгдэхүүнээр дамжуулан авч үзье.

McDonald's Японд дахин үнээ нэмжээ.

Мэдээллийн Bloomberg агентлаг, нэг жилийн дотор McDonald's хоёр дахь удаагаа Японд бүтээгдэхүүнийхээ үнийг нэмжээ гэж мэдээлэв. Японы банк бодлогын хүүгээ нэмэх хүсэлгүй байгаагаас иенийн доллартай харьцуулсан ханш унаснаас бүтээгдэхүүний үнийг дахин нэмэхэд хүргэжээ.

Наран мандах оронд энэ байдал энгийн биш. Иенийн ханш суларч, инфляц ихтэйгээс үйлдвэрүүд нь илүүдлээ хэрэглэгч нарт шахаж байна. Үүний жишээгээр McDonald's болон японы бусад компаниуд явж байна.

Түргэн хоолны үнэ энэ сарын 30-нд дахин нэмэгдэж, бүтээгдэхүүний 60 хувийг хамрах юм. Хоолнууд 10-30 иенаар (7-21 америк цент) илүү үнэтэй болно.

McDonald's үүнийгээ түүхий эдийн, цахилгааны, ажлын хүчний, логистикийн үнэ нэмэгдснээс гэж тайлбарлаж байна. Ерээд оны эхээр дефляцид орж байсан Японы хувьд энэ бүгд нь ер бусын зүйл болж байна.

Японы инфляц 2,8 хувь байгаа нь бүсийн бусад улсуудтай харьцуулахад бага хэмжээ ч Японд өөрт нь 31 жилийн хамгийн өндөр төвшин болж байна.

Япончуудад ЕХ-ны эрчим хүчний хямрал ба эрчим хүчний эх үүсвэрийн үнийн өсөлт том цохилт болж байгаа.

Москва "Сахалин-2" төслөө шинэчлэн зохион байгуулсаныг Токио нүдээ анин өнгөрөөснөөс  Mitsui ба Mitsubishi компаниуд оросын оператор компани дахь хувиа хадгалан үлдлээ. Харин Японы эдийн засгийн ийм байдал нь импортлогч компаниудад хүчтэй тусч байна.

McDonald's тийм компаниудын нэг бөгөөд Японы салбар нь төмсөө Америкаас импортлодог. Үнэ нь логистикийнхаа хамт нэмэгдсэн байгаа. Энэ жилийн гуравдугаар сард McDonald's япон цэснийхээ үнийг 20 хувиар эхлээд нэмсэн ба тэр үед үхрийн мах, улаан буудайн үнэ өссөн нь үнийг нэмэгдүүлсэн гэж байв.

Big Mac индексээр япончууд лидер биш. Тэр нь 2,83 хувь ба Япон үзүүлэлтээрээ Азербайжан Вьетнам хоёрын дунд бусад хөгжилтэй орнуудынхаас бага байна.

М.Цогт