Ажлын байрыг хүн бүрт шударга байлгахыг чухалчлахаас илүүтэй эмэгтэй хүний хувь хүний амжилтыг эрхэмлэдэг “босс охин” сэтгэлгээ цар тахлаас хойш үхлийн ирмэг дээр байна.
Эмэгтэйчүүдийн карьерт онцгой хүндээр туссан тахлын үед арьс өнгөөр ялгаварлан гадуурхах тэгш бус байдлын талаархи олон улсын үзэгдэл нь өндөр эрх мэдэлтэй, өндөр орлоготой корпорацийн эмэгтэйчүүдийг феминист эрх мэдлийн төлөөх тэмцэгчид гэж нэрлэхийн ач тусыг дахин үнэлэхэд түлхэц болсон.
Эмэгтэй удирдагчид эрэгтэйчүүдээс илүү ёс суртахуунтай, нэр хүндтэй байх албагүй гэдгийг The Wing болон Away-аас эхлээд Теранос хүртэл эмэгтэй удирдагчтай компаниудын томоохон дуулианууд тодорхой харуулж байна. Гэхдээ ингэж босс охин “дүр”-ийн булшин дээр бүжиглэх нь бага зэрэг эмэгтэйлэг юм шиг санагдаж магадгүй юм.
Зохиолч Мойра Донеган сүүлийн үеийн сонинд бичсэнээр, босс охины дүрийг үл тоомсорлож байгаа нь 1980-аад онд анх дэлгэцээр танил болсон хүйтэн, тооцоотой, гүнээ аз жаргалгүй "карьер эмэгтэй"-ийн үлгэрийг тойрсон гутаан доромжлолтой төстэй гэж бичжээ. Босс охин ч бай карьер эмэгтэй ч бай аль аль нь амбицтай эмэгтэйчүүдэд таагүй ханддаг соёлын гүн гүнзгий байдлаас үүдэлтэй. Үүний зэрэгцээ, BBC-д саяхан гарсан нийтлэлд "I care a lot", "Industry", "Succession" зэрэг кино, телевизийн шоунууд хүчирхэг эмэгтэйчүүдийг чөтгөр болгож, тэднийг ёс суртахууны хувьд хоосон, хувь хүний хувьд өрөвдөлтэй гэж дүрсэлсэн гэжээ.
Girlboss-ийн яриа нь феминист улс төрийг олон нийтэд сурталчлахын зэрэгцээ ажилчдаа доромжилдог эмэгтэйчүүдийг зөв шүүмжлэхээс илүү өргөн хүрээнд эрх мэдэл бүхий эмэгтэйчүүдийг тохуурхах руу шилжиж далийсан байж болно. Эмэгтэй үүсгэн байгуулагчид болон гүйцэтгэх захирлууд нь системийн хүйсээр ялгаварлан гадуурхах, арьс өнгөөрялгаварлан гадуурхах асуудлыг шийдэх шийдэл биш нь үнэн. Гэхдээ Донеганы бичсэнчлэн босс охидыг дапаалах нь эрэгтэйчүүдэд ижил стандартад захирагддаггүй байхад эмэгтэйчүүд "материаллаг хөгжил дэвшлийн төлөө ёс суртахууны цэвэр ариун байдлыг эрэлхийлэх ёстой" гэсэн мессежийг илгээх эрсдэлтэй юм.
А.Долгор
