Энэтхэгт сарын тэмдэгтэй холбоотой ичгүүр, чимээгүй гадуурхалтыг таслан зогсоож, эмэгтэйчүүдийн эрүүл мэндийг хамгаалан илүү сайн эрүүл ахуйн бүтээгдэхүүнийг нэвтрүүлэх зорилгоор нэгэн кампанит ажил өрнөж байна.

Энэхүү кампанит ажил нь эмэгтэйчүүдийг халдвар авах эрсдэлтэй ариун цэврийн хэрэглэлийн оронд сарын тэмдгийн аяга хэрэглэхийг уриалж байна. Латекс резин эсвэл силиконоор хийсэн жижиг хэрэгсэл нь эдийн засгийн хувьд хэмнэлттэй бөгөөд дахин ашиглах боломжтой юм.

Энэтхэгийн соёлын онцлогоос шалтгаалаад зарим газар эмэгтэйчүүд сарын тэмдгийн үеэр гал тогоонд ч орох эрхгүй болдог эсвэл өөр овоохой руу цөлөгддөг байна. Зохион байгуулагчид нь эмэгтэйчүүдийн эрх ингэж их зөрчигддөг улс оронд сарын тэмдгийн тухай яриа эхлүүлэхийг оролдож байгаа бөгөөд тэд эрчүүдийг үүндээ татан оролцуулахыг хичээж байна.

Ингэхийн тулд тэд их дэлгүүр зэрэг олны хөлийн газар загварчилсан сарын тэмдэгийн саравч гаргасан байна. Энд эрчүүд хүйснийхээ доор хавчуулсан утаснуудын тусламжтайгаар эхнэр, эгч, ээжийнхээ сар бүр мэдэрдэг өвдөлтийг өөр дээрээ мэдрэх юм.

Кампанит ажилд хамрагдсан өмнө зүгийн Керала мужид амьдардаг 26 настай нэгэн залуу хэлэхдээ, "Би базлалт үргэлжилж байх хугацаанд эргэн тойрныхоо юунд ч анхаарлаа төвлөрүүлж чадахгүй байсан. Тэдэнд маш их хэцүү байдаг юм байна. Энэ туршилтын дараа би ийм өвдөлтийг сар бүр мэдэрдэг ээж, эгч нараа илүү их хүндэлнэ" гэжээ. 

Б.Бүжлхамаа