Консерватив намын Лиз Трасс өнөөдөр Шотландын Балморал шилтгээнд Хатан хаан II Елизаветатай уулзаж Ерөнхий сайдын цолыг албан ёсоор хүлээн авна.

Их Британи сүүлийн хэдэн арван жил доторх хамгийн ноцтой эдийн засгийн хямралтай нүүр тулж байгаа энэ үед Гадаад хэргийн нарийн бичгийн дарга ийн засгийн эрхийг авахаар боллоо. Их Британид өрхийн эрчим хүчний төлбөр 80 хувиар өсөх хандлагатай байгаа бөгөөд ирэх оны эхээр инфляци 20 хувьд хүрнэ гэж зарим эдийн засагчид таамаглаж байна. 

Энэ талаар Лиз Трасс, татварыг бууруулах зоримог төлөвлөгөөг амласан боловч олон хүн түүнийг эн тэргүүнд эмзэг бүлгийн гэр бүлүүдийг хамгаалах арга хэмжээг зарлах ёстой гэж үзэж байна.

Мөн Трасс 2019 онд бүх нийтийн сонгуульд үнэмлэхүй ялалт байгуулан кареерийн ноён оргилд гарсан экс ерөнхий сайд Борис Жонсоны Консерватив нам дотор гурван жилийн турш самарсан намын доторх илт хуваагдал үймээн, самууныг засах ёстой.  

47 настай Лиз Трасс бол намын тууштай, чөлөөт зах зээлийн аварга юм. Тэрээр сүүлийн зургаан жилийн хугацаанд Их Британийн дөрөв дэх Ерөнхий сайд, өөрийгөө загварчилсан Маргарет Тэтчер болон Тереза ​​Мэй нарын дараа гурав дахь эмэгтэй удирдагч болно.

Өмнөх сонгуулиар Лиз Трасс Сангийн яамны канцлер асан Риши Сунакийг 57.4 хувь буюу 42.6 хувийн саналаар ялсан. Британийн түүхэн дэх хамгийн олон янзын нэр дэвшигчтэй уралдаанд Трассын татвар багатай, жижиг засгийн газрын мессеж нь Консерватив намын 160,000 орчим цагаан арьст, ихэвчлэн хөгширсөн гишүүдэд таалагдсан бөгөөд тэд хамгийн магадлалтай өрсөлдөгч Сунакийн санал болгосоноос илүүтэйгээр түүнд итгэл хүлээлгэжээ.

Б.Бүжлхамаа