Япон улсын эрүүл мэндийн яам 5-11 насны хүүхдүүдэд коронавирусний эсрэг Файзер вакциныг нэмэлт тунгаар хэрэглэхийг зөвшөөрчээ. Уг насны бүлгийн хүүхдүүдэд өнгөрсөн Хоёрдугаар сараас эхлэн Файзер вакциныг эхний болон 2 дахь тунг хийж эхэлсэн юм.

Одоо Япон улсад омикрон хувилбар болон түүний дэд хувилбаруудын тархалт өндөр байгаатай холбогдуулан бага насны хүүхдүүдийг нэмэлт бүүстэр тунд хамруулах нь зүйтэй гэж мэргэжилтнүүд үзэж байгаа юм.

Япон улсын эрүүл мэндийн яамнаас өгч байгаа зөвлөмжийн дагуу 5-11 насны хүүхдүүд коронавирусний эсрэг вакцины эхний болон 2 дахь тунгаас хойш 5 сарын дараа Файзер вакцины бүүстэр тунг тариулах юм байна. Япон улсын засгийн газар 5-11 насны бүлгийн хүүхдүүдийг коронавирусний эсрэг вакцинд хамруулах талаар хүчин чармайлт гаргахыг үүрэг болгосон захирамж батлахаар төлөвлөж байна. Энэ захирамжийн дагуу, ирэх 9 дүгээр сараас эхлэн хүүхдүүдийг цар тахлын эсрэг вакцины нэмэлт тунд хамруулахаар төлөвлөжээ.

Үүний зэрэгцээ, Токио Файзер болон Модерна компаниудын боловсруулсан вакциныг насанд хүрэгчдэд хийхээр төлөвлөж байна. Эдгээр компаниудын вакцинд зөвшөөрөл олгосон нөхцөлд Япон улс 9 дүгээр сард татан авалтын ажлыг эхлүүлж 10 дугаар сараас иргэдээ дархлаажуулахаар төлөвлөжээ. Японы эрүүл мэндийн шинжээчдийн үзэж байгаагаар, омикрон хувилбарын эсрэг шинэ вакцин нь ялангуяа өндөр настнуудын хувьд вирусний халдвар авах эрсдэлийг бууруулахаас гадна, хүндрэл гарах эрсдэлийн ч давхар бууруулна гэж үзэж байна.

Гэхдээ омикрон хувилбарын эсрэг вакцинд хамрагдахдаа иргэдийг заавал вакцины 2 тунтай байхыг шаардаж байна. Ялангуяа 60-аас дээш насны иргэдийг нэмэлт тундаа хамрагдахыг Япон улсын засгийн газраас уриалжээ.

MNB.MN