Оростой эдийн засгийн дайн өдөөхдөө түүний үр дагаварыг Баруун тооцоолсонгүй. Орос нь энэ сөргөлдөөнд хамгийн өндөр үр дүнтэй зэвсгийг хэрэглэж байна гэсэн дүгнэлтэд немецийн сэтгүүлч Бен Арис хүрчээ.

Bne IntelliNews хэвлэлд нийтлэгдсэн сэтгүүлч Бен Арисын материалд, ЕХ-ны орнууд өвөлд хэрхэн бэлтгэж байгааг сануулжээ. Өнөөдөр Европ хийн газар доорх агуулахуудаа дүүргэхээр яарч байгаа ба зуны сүүлчээр тэдний 80 хувийг дүүргэх эрмэлзэлтэй байна. Энэ дэвсгэр дээр, эрчим хүчний үнэ эрс нэмэгдэж, өнгөрсөн онтой харьцуулахад арав дахин нэмэгдсэн байна. ЕХ-г маш тааламжгүй өвөл хүлээж байна.

"Орос Барууны орнуудын эдийн засагт гай тарих чадвартай" хэмээн Бен Арис онцлоод эдийн засгийн хөнөөл дөнгөж эхэлж байна гэжээ.

Сэтгүүлчийн санаа бодлоор, Орост нөлөөний хэд хэдэн хөшүүрэг байгаа ба Москва тэднийг Баруунтай харьцаа нь муудсан цагт хэрэглэх гэнэ. Тухайлбал, Орос эрчим хүчний эх сурвалж ба хөдөө аж ахуйн бүтээгдэхүүний томоохон нийлүүлэгч учир энэ салбаруудын үнийн өсөлтөд нөлөөлж чадах юм. Тэр нь Оросын хүчтэй зэвсгийн нэг юм.

Бен Арис үзэхдээ, Оросын үйл ажиллагаа нь Барууны хамгийн эмзэг халаасанд нь том  цохилт болон шархлуулах гэнэ. Барууны эдийн засаг геополитикийн тогтвортой нөхцөлд хэвийн ажиллаж чадах бөгөөд харин хямралын үеэр өөрийгөө шилдэг талаас нь харуулах чадваргүйг сэтгүүлч онцлон тэмдэглэв. Түүнийг нь Орос овжин ашиглан зах зээлд Баруунд мэдэгдэхүйц гарз учруулж буйг тоймч онцолжээ.

М.ЦОГТ