Дэлхийн II-р дайнаас хойшхи Европ дахь хамгийн том хуурай замын дайн зургаан сарын турш гамшгийг тарьлаа. Дайны улмаас цэргийн хохирол аль аль талдаа их байгаа бөгөөд үүнээс ч илүүтэй Украины энгийн иргэд хэдэн арван мянгаараа хохирч байна. Дайны улмаас дүрвэгсэд 6.6 сая хүрсэн байна.

Дайн эхлээд хагас жил болж байна. Энэ үеэр Украины тусгаар тогтнолын өдөр тохиосон бөгөөд тус улс энэ өдрийг тайван замаар тэмдэглэдэв. Украины төв хэсэгт орших төмөр замын буудал руу пуужингаар цохилт өгсний улмаас 15 хүн амиа алдсан ч Москвагийн зүгээс ун халдлагыг бас л үгүйсгэв.

ОХУ-ын ерөнхийлөгч Владимир Путин одоо Украины нутаг дэвсгэрийн 20 орчим хувийг хянаж байна. Тэрээр дайныг дуусгахын тулд ямар хэлэлцээр хийх нь тодорхойгүй байна.  

Владимир Зеленский Украин бол Оросоос бүрэн тусгаарлагдсан соёл, улс төрийн өвөрмөц мэдрэмжтэй зөрчилдөж, "дахин төрсөн" үндэстэн бөгөөд дэлхийн ардчиллыг шинэ зорилготойгоор нэгтгэсэн гэж хэлэв. Тэрээр "Өдөр бүр бууж өгөхгүй байх шинэ шалтгаан байдаг, бий болдог" гэв.

Дайны хор уршиг Орос орны хувьд цочирдом өөрчлөгт гараагүй байна. Путин Оросыг дайны байдалд оруулах уриалгыг эсэргүүцэж, засгийн газар нь эдийн засгийн хориг арга хэмжээний үр нөлөөг ихээхэн бууруулж чадсан тул ихэнх эсэргүүцэгчдийн амыг таглаж, олон оросууд дайныг үл тоомсорлосон хэвээр байна.

Холбоотнуудынх нь хувьд эдийн засгийн хориг арга хэмжээнээс болж ихээхэн хүндрэл учруулж байгаа ч Украинтай Европын эв санааны нэгдэл хэвээр байгаа. Америк тэргүүтэй хамсаатнуудынх нь дайныг тэмцэл гэж үзэх нь улам бүр нэмэгдсээр байна. Ерөнхийлөгч Байден Украинд зориулж бараг 3 тэрбум долларын зэвсэг, техник хэрэгсэл өгөхөө дахин мэдэгдэв.

Б.Бүжлхамаа