Энэ жил францын тариаланчдын хувьд хатуу жил болж байна. Хэт хуурайшилтай халуун байснаас жимс ногооны ургацынхаа 35 хувийг алдаад байгааг Жимс, ногоо үйлдвэрлэгчдийн эвслийн (Legumes de France) ерөнхийлөгч Жак Рушассе Franceinfo радио станцаар ярихдаа мэдэгджээ.
"Ургацанд ихээхэн гарз учирлаа. Одоогоор бид хохиролыг 25–35 хувь гэж тооцоод байна... Францчуудын тусгаар тогтнол, хүнсний аюулгүй хангахын тулд бид усны хэрэглээг хязгаарлахад дасан зохицох шаардлагатай болсон" гэжээ.
Рушассе мөн, фермерүүдийг улсын талаас дэмжих хөтөлбөрийг бий болгох шаардлагатай гэжээ. Тийм хөтөлбөр боловсруулахгүй бол Франц бусад орнуудаас жимс ногоог импортлох болно гэдгийг тэр онцолжээ.
"Хэрэв маргааш франц үйлдвэрлэлтэй байя гэвэл өнөөдөр францчуудын хүслийн бүтээгдэхүүнийг бэлтгэж буй хүмүүст туслах ёстой" гэж холбооны ерөнхийлөгч ярьж байна.
Өнгөрсөн долоодугаар сар Европын ажиглалтын түүхэн дэх хамгийн халуун сарын нэг гэж тэмдэглэгдсэн юм.
М.ЦОГТ
