Украины элит анги өчигдөр эзлэгдсэн Крымийн хойг дахь Оросын зэвсгийн агуулах руу цохилт өгсөн гэж Украины албаны хүн мэдэгдлээ. Ингэснээр Москвагийн армид шинэ цохилт очив.

Оросын агаарын баазад дэлбэрэлт болж, хойг дахь хэд хэдэн сөнөөгч онгоц сүйрснээс долоо хоногийн дараа хэд хэдэн удаа халдлагууд үргэлжилж байна. Украины талаас хэлснээр Тусгай хүчний офицерууд орон нутгийн партизаны дайчидтай хамт халдлага үйлдсэн байна.

Орос улс энэ үйл явдлыг "хорлон сүйтгэх ажиллагаа" гэж нэрлэжээ. Энэхүү халдлагууд нь Москвагийн хариу арга хэмжээ авах тухай аймшигт анхааруулгыг үл тоомсорлож байна. Өнгөрсөн сард Оросын өндөр албан тушаалтан Украин Крым руу дайрвал шууд “Шүүлтийн өдөр”-тэй нүүр тулна гэж амласан.

Арван жилийн турш Оросын эзэмшиж байсан нутаг дэвсгэрт удаа дараа цохилт өгснөөр Украин Ерөнхийлөгч Владимир Путины дотоод байдалд шинэ сорилт үүсгэв. Путин ард түмэндээ Крым бол "ариун газар", Оросын "ариун нутаг" гэж хэлсэн.

Энэ үйл явдалтай зэрэгцээнд Украин улсын Харьков хотод өчигдөр фронтын шугамын дайралтаас болж Оросын сум тус хотын есөн дүүргийн тавд нь тусав. Өчигдөр Орост эзлэгдсэн Мелитополь хотод болсон дэлбэрэлтүүд Кремлийг дэмжигч телевизийн нэвтрүүлгүүдийг тасалдуулжээ.

Алмаз эрдэнийн томоохон үйлдвэрлэгч Орос улс одоо "сөргөлдөөн" эсвэл "цуст" алмазыг экспортлогч орон гэж зарлахаар тэмцэж байна, учир нь улс орнууд тэдний борлуулалт нь дайны төлбөрийг төлөхөд тусалдаг гэж мэтгэсэн.

Дайны дундуурх сайн мэдээ нь Украины үр тариаг Африк руу тээвэрлэж буй НҮБ-ын анхны хөлөг онгоц далайд гарчээ.

Б.Бүжлхамаа