Даваа гаригийн өглөөнөөс эхлэн үргэлжилсэн бороо Өмнөд Солонгост оров. Хэдхэн өдөр орсон аадар бороо бүтэн зуны гурван сарын турш ордогтой ижил хэмжээнийх байж байшин, гудамж, метроны буудлуудыг үерт автуулжээ.
Амиа алдсан хүмүүсийн гурвыг нь онцгой байдлынхан байшингийн хонгилоос ус соруулах үед олжээ. Албаныхны мэдээлснээр, зургаан хүн нүхэн гарц, гол горхинд урссаны улмаас одоог хүртэл сураггүй байгаа гэв.
Нийслэл болон зүүн болон өмнөд аймгуудад ахиу бороо орох төлөвтэй байна гэж Солонгосын цаг уурын албанаас мэдээллээд байна.
Сөүл хотын өмнөд хэсгийн газар нам дор байдаг учир үерийн гамшигт өртөмтгий байдаг. Энэ газар нь борооны усыг Хан мөрөнд хангалттай хурдан урсгаж чаддаггүй.
Өмнөд Солонгост 6-р сараас 8-р сарын эхэн үе хүртэл борооны улиралд хүмүүс их хэмжээний хохирол амсдаг. Гэвч сүүлийн арван жилд 2011, 2020 оныг эс тооцвол энэ жил борооны улмаас амиа алдагсдын тоо нэмэгдэж байна.
Б.Бүжлхамаа
