Энэ долоо хоногийн эхээр Хятадын арми Тайванийг тойрсон усан хилд цэргийн сургуулилт хийж байгаа нь тус арал АНУ-ын Төлөөлөгчдийн танхимын дарга Нэнси Пелосиг хүлээн авсан тул шийтгэн сүрдүүлэх зорилготой байсан билээ.

Пелосиг хөдөлснөөс хойш 24 цагийн дотор Хятадын 11 пуужин Тайваний хойд, өмнөд, зүүн зүгийн тэнгист туссан байна. Тайванийн эргээс 10 миль хүрэхгүй зайд явагдаж байгаа сургуулилт нь Хятадын "арлыг хэзээ нэгэн цагт бүсэлж, довтлох" тушаал авбал "үнэ цэнэтэй" дадлага болох болно.

Мөргөлдөөн гарах магадлал бага байгаа ч бүтэн гурван өдөр үргэлжлэх сургуулилт бүс нутгийг туйлдуулж байна. Ялангуяа ямар нэг зүйл буруу болвол хурцадмал байдал аюултайгаар даамжирч болзошгүй. 

Японы засгийн газар Хятадын таван пуужин өөрийн эдийн засгийн онцгой бүсэд унасан нь анх удаагийнх гэж мэдэгдэв.

Хятадын армийн арлын дээгүүр пуужин харвах, маргаантай агаарын орон зайд нэвтрэн орох нь агаарын мөргөлдөөнд хүргэвэл Хятад, Тайваний хүчний хооронд санамсаргүй мөргөлдөөн үүсч болзошгүй гэж Америкийн албаныхан санаа зовж байгаагаа илэрхийлж байна.

Хятадад олон нийтийн мэдээллийн хэрэгслээр олон хятадууд Бээжин Пелосигийн айлчлалд хязгаарлагдмал хариу үйлдэл үзүүлсэнд, ялангуяа засгийн газрын хатуу үг хэллэгийг харгалзсанд сэтгэл дундуур байв. Зарим хэрэглэгчид цэрэг армийг Хятадын эрэгтэй хөлбөмбөгийн багтай зүйрлэсэн байна. Учир нь Хятадын эрэгтэй хөлбөмбөгийн баг дэлхийн аварга шалгаруулах тэмцээнд оролцох эрх ганцхан удаа авч байжээ.

Пелоси пүрэв гаригт Өмнөд Солонгосын улс төрийн удирдагчидтай уулзсан. Энэ үеэрээ Хятадын хариу арга хэмжээний талаар бараг л чимээгүй байсан гэж Associated Press мэдээлэв. Амралтаар явж байгаа Өмнөд Солонгосын ерөнхийлөгч Пелоситай биечлэн бус утсаар ярьсан нь Өмнөд Солонгосын Хятадтай харилцах харилцааг санаатайгаар үгүйсгэсэн үйлдэл гэж шүүмжлэгчид үзсэн байна.

Б.Бүжлхамаа