Оросын хөрөнгийн хамгийн их хэсэгт хориг тавьсан зургаан орон байгааг Хууль зүйн асуудал эрхэлсэн комиссар Дидье Рейндерсийн ярианаас иш татан Bloomberg агентлаг мэдээлжээ.

Рейндерс хэлснээр, ЕХ-ны нутаг дэвсгэрт Оросын хөрөнгийн хамгийн их хэсгийг ХБНГУ, Франц, Ирланд, Австри, Бельги, Люксембург гэсэн зургаан оронд царцаасан байна.

“Австри, Бельги, Люксембург гурав €12,7 тэрбум еврог битүүжилсэн бол бусад орнууд бага хэмжээний эсвэл огт битүүмжлээгүй” гэж ярьжээ.

The New York Times сонин тавдугаар сарын 31-нд эх сурвалждаа тулгуурлан Оросын ТБ-ны битүүмжилсэн хөрөнгийг хураах нь бусад орнуудын нүдэнд АНУ хамгийн найдвартай хөрөнгө оруулалтын түнш гэсэн статусыг нь унагана гэж Вашингтон түгшиж байгааг мэдээлсэн юм. Уг асуудал АНУ-ын зүгээс эсэргүүцэлтэй тулгарсан гэж тэмдэглэсэн байлаа. Америкийн захиргааны дотор хөрөнгийн ихэнх хэсэг Европт хадгалагддаг ба АНУ-д байгаа учраас түншүүдтэйгээ хөрөнгийг хураах талаар нэгдэх үү гэсэн асуудал байгаа гэнэ. Гэхдээ л ялгүй юмнаас ямааны гарз гэгчээр нэр хүндэд халтай гэж буй гэнэ.

Үүнээс өмнө Дидье Рейндерс хэлэхдээ, Европын холбоо Оросын ТБ-ны €23 тэрбум ($24,5 тэрбум) мөнгийг царцаасан гэсэн юм. Ерөнхийлөгч Владимир Путин хүний мөнгийг хулгайлах нь хэзээ ч сайн зүйлд хүргэхгүй хэмээн сануулсан байгаа. Хоёрдугаар сарын сүүлчээс барууны орнууд Оросын валютын нөөцийн $300 тэрбум орчим долларын дансыг битүүжилсэн байна. Үүний дараа Орос өөрийн үнэт цаасны хүүг рублиэр төлнө гэж сануулсан юм.

М.ЦОГТ