Цагаан ордон Ерөнхийлөгч Байденд коронавирусийн шинжилгээ эерэг гарсан гэж мэдэгдэж, түүнд маш хөнгөн шинж тэмдэг илэрч байна гэж мэдээлжээ.
Ерөнхийлөгч Байден вакцинд бүрэн тунд хамрагдаж, хоёр удаа идэвхжүүлэх вакцин хийлгэсэн боловч эерэг хариу гарсан нь 79 настай ерөнхийлөгчийг эрүүл мэндийн асуудалд хүргэж магадгүй юм. Тэрээр Ковид-19-ийн ноцтой байдлыг багасгахад ашигладаг вирусын эсрэг эм болох Паксловидыг хэрэглэж байгаа бөгөөд Цагаан ордонд тусгаарлагдаж байна.
Жо Байден "Энэ хугацаанд бүх үүргээ үргэлжлүүлэн гүйцэтгэнэ" гэж хэлсэн бөгөөд түүний хэвлэлийн төлөөлөгч үүнийг мэдээлжээ.
Байдены эерэг тест нь тус улсын ихэнх хэсэг тахал өвчнийг даван туулахыг оролдсон ч АНУ-д Ковид хэрхэн байнгын аюул заналхийлсээр байгааг харуулж байна. Ковидын BA.5 дэд хувилбарт тохиолдлууд болон эмнэлэгт хэвтсэн хүмүүсийн тоо өссөн байна.
Вирусын талаарх нэмэлт мэдээ:
-
Ковид Европын ихэнх хэсэгт эрчимтэй тархсан боловч засгийн газрууд зарим талаараа хүнд тохиолдлын өсөлтийг олж харахгүй байгаа тул хатуу арга хэмжээ авахгүй байна. Европчууд вирустай хамт амьдрах ёстой гэж дүгнэсэн бололтой.
-
Австралид Ковидоос эмнэлэгт хэвтсэн хүмүүсийн тоо 5000 давж, дээд цэгтээ хүрээд байна. Гэхдээ одоог хүртэл эрх баригчид хязгаарлалтыг буцааж авахаас татгалзаж буй.
-
Японы Ковидийн өсөлт нь тус улсын эрүүл мэндийн тогтолцоог хүндрүүлж байна гэж The Asahi Shimbun мэдээлэв.
Б.Бүжлхамаа
