ОХУ-ын Ерөнхийлөгч Владимир Путин мягмар гаригт Иранд айлчлахдаа, Украины дайн Европ, АНУ-аас тусгаарлагдаж, тус хоёр гүрнийг нэгтгэхэд тусалснаар дэлхийн геополитикийг хэрхэн өөрчилж байгааг онцоллоо.

Путин Ираны Ерөнхийлөгч Эбрахим Раиси, мөн тус улсын дээд удирдагч Аятолла Али Хаменеи нартай уулзаж, улс хоорондын харилцаа “сайн хурдтай хөгжиж байна” гэж мэдэгджээ. Хоёр орны эрх баригчид хориг арга хэмжээ нь тэднийг нэгтгэхэд тусалж, урт удаан үргэлжилсэн харилцааг бэхжүүлж, барууны дайснуудын эсрэг цохилт өгөх Америкийн тэргүүлсэн хүчин чармайлтыг сөрөх гол үүрэг гүйцэтгэж байгааг онцлон хэлэлцсэн гэж хоёр орны албаны хүмүүс мэдэгдэв.

Кремлийн хэвлэлийн төлөөлөгч Путины айлчлалын өмнө Ираны телевизэд ярихдаа, Иран, Орос хоёр ойрын хугацаанд стратегийн хамтын ажиллагааны гэрээнд гарын үсэг зурж, хамтын ажиллагаагаа өргөжүүлж, худалдаандаа ам.доллар ашиглахаас татгалзаж магадгүй талаар шийдэлд хүрнэ гэжээ. 

Путин мөн Тегеранд байсан бөгөөд Орос, Украины хооронд чухал зуучлагч болж чадсан Туркийн Ерөнхийлөгч Режеп Тайип Эрдогантай уулзахаар төлөвлөж байна гэжээ.

Украины дайны тухай бусад мэдээ:

• АНУ-аас нийлүүлсэн алсын тусгалын их буунууд Украины байлдааны талбарын динамикийг өөрчилж эхэллээ.

• АНУ, Украины тэргүүн хатагтай нар Цагаан ордонд уулзжээ.

• Хоёр дахь том хот болох Харьковыг эзлэх оролдлогыг Украин няцаасан ч их бууны дайралт зогссонгүй. Оргож явсан олон оршин суугчид буцаж ирсэн боловч шинэ довтолгоо ойртлоо гэж эмээж байна.

Б.Бүжлхамаа