Их Британийн Ерөнхий сайдаар ажиллаж байсан Борис Жонсон өнгөрсөн пүрэв гаригт намынхных нь дотор үүссэн бослогын улмаас албан тушаалаасаа огцроход хүрэв. 

Жонсон засгийн эрхэнд үлдэх гэсэн оролдлогоо эцэслэн зогсоохын тулд засгийн газрынхаа 60 шахам гишүүнийг огцруулах шаардлагатай болсон. Харин Консерватив нам залгамжлагчаа сонгох үйл явцыг эхлүүлж байх хооронд Ерөнхий сайд түр удирдагчаар үргэлжлүүлэн ажиллахаа мэдэгдсэн юм.

Намынх нь зарим ахмад зүтгэлтнүүд түүний төлөө ажиллах хүсэлтэй хүмүүсийн тоо цөөрч байгаа нөхцөлд Жонсоны суудал тогтворгүй байх болно гэж хэлж байсан юм.

Бусад нь түүнийг орлохоор аль хэдийн өөрсдийгөө сурталчилж эхэлжээ. Намын удирдлагууд ирэх даваа гаригт багтаан удирдлагын сонгуулийн хуваарийг зарлана гэж мэдэгдлээ.

Ерөнхий сайд Борис Жонсон "Парлемент дахь Консерватив намын хүсэл зориг нь намын шинэ удирдагч, улмаар шинэ Ерөнхий сайд байх нь тодорхой байна. Тэр шинэ удирдагчийг сонгох үйл явц одоо эхлэх ёстой" хэмээн хэлээд, огцрох болсноо мэдэгдлээ.

Мөн ирэх долоо хоногт шинэ удирдагчийг сонгох цагийн хуваарийг зарлана гэсэн байна.

Жонсон оффистоо аль болох удаан байхаар төлөвлөж байгаагаа илэрхийлж, "Шинэ удирдагч гарч ирэх хүртэл ажилласаар байх болно. Шинэ кабинетаа томилно гэж мэдэгдэв. Засгийн газрын шинэ сайд нарыг томилох нь Жонсоныг огцрох хүртлээ Засгийн газартаа үргэлжлүүлэн ажиллах боломжтой гэсэн үг юм.

Жонсон хэлсэн үгэндээ удирдагч хэвээр үлдэх гэсэн оролдлого мөн огцрох нь түүний хувьд ямар хүнд байгаа талаар ярьсан ч улс төрийн уналтыг нь дуудсан дуулиан шуугианы талаар огт хариу хэлсэнгүй. 

Тэрээр "Сүүлийн хэдэн өдөр би хамт олондоо, бид маш их зүйлийг хийж, эдийн засгийн байдал дотоод болон олон улсын хэмжээнд ийм хэцүү байхад засгийн газрыг өөрчлөх нь хэцүү байх болно гэж итгүүлэхийг хичээсэн. Энэ бүх үгс амжилтанд хүрч чадаагүйд харамсаж байна, мэдээжийн хэрэг биз. Ийм олон санаа, төслийг бие даан харж чадахгүй байгаа нь үнэхээр зовиуртай байна. Brexit-ийг хийж чадсанаараа би бахархаж байна" гэжээ. Мөн "Барууны орнууд Путины Украин дахь түрэмгийллийн эсрэг зогсож байгаа" хэмээсэн юм. 

Мөн тэрээр сонгогчиддоо шууд хандаж, гурван жилийн дараа огцорч байгаадаа харамсаж байгаагаа илэрхийлжээ. 

"Дэлхийн хамгийн сайхан ажлыг орхиж байгаадаа ямар их гунигтай байгааг минь мэдээсэй гэж би хүсч байна. Гэхдээ энэ бол завсарлага юм" гэлээ. 

Жонсон сүүлийн саруудад хэд хэдэн дуулиан дэгдээж, түүний хамгийн тууштай дэмжигчид хүртэл түүнийг орхиход хүрсэн. Их Британийн Гадаад хэргийн сайд Лиз Трасс хэлэхдээ, "Жонсон огцрох зөв шийдвэр гаргасан. Бидэнд одоо тайван байдал, эв нэгдэл хэрэгтэй бөгөөд шинэ удирдагч олдох хүртэл засаглалыг үргэлжлүүлэх хэрэгтэй" гэв.

Сөрөг хүчний Хөдөлмөрийн намын дарга Кейр Стармер "Жонсон огцрох шийдвэр гаргасан нь улс орны хувьд сайн мэдээ. Энэ нь аль эрт болох ёстой байсан. Тэр үргэлж энэ албан тушаалд тохиромжгүй байсан" хэмээн твиттер хуудсандаа бичжээ.

Сөрөг хүчний удирдагч ч мөн адил хатуухан үг урсгав. Стармер "Тэд 12 жил засгийн эрх барьж байна. Тэдний учруулсан хохирол асар их. Арван хоёр жил эдийн засаг зогсонги байдалд орлоо. Арван хоёр жил төрийн үйлчилгээ буурсан. Арван хоёр жил хоосон амлалт. Их Британид одоо шинэ эхлэл хэрэгтэй" гэжээ.

Б.Бүжлхамаа