НЭМҮТ-ийн Эрүүл мэндийг дэмжих, өвчлөлөөс урьдчилан сэргийлэх албанаас могойд хатгуулахаас урьдчилан сэргийлэхийг зөвлөж байна.
Энэ талаар мэргэжилтэн Г.Сэлэнгэ "Могойд хатгуулах тохиолдол гарсаар байна. Нийслэлийн суурьшлын бүсүүдэд хортой, хоргүй могой үерийн усаар дамжиж орж ирэх тохиолдол гарч байгаа. Тиймээс могойтой таарвал хатгуулахаас сэргийлэх талаар мэдлэг мэдээлэлтэй байж, хүүхдүүддээ зөвлөж байхыг сануулж байна.
Могойтой таарсан тохиолдолд гар, хуруу, хөлөөрөө оролдохгүй байх ёстой бөгөөд өвс, хад, асгатай газраар явахдаа түрийтэй гутал, тод өнгийн хувцас өмсөх хэрэгтэй.
Түүнчлэн могойд хатгуулсан хүнийг хөдөлгөөнгүй байлгаж, хатгуулсан хэсгийг чанга боож, яаралтай эмнэлгийн тусламж дуудахыг сануулж байна. Бид өөрсдөө анхаарал болгоомжтой байж, хүүхдэдээ тавих хараа хяналтаа дээшлүүлбэл болзошгүй осол гэмтлээс бүрэн сэргийлэх боломжтой” гэлээ.
