Украины арми удаа дараа довтолсоны эцэст Оросын цэргүүд Хар тэнгис дэх жижиг боловч стратегийн чухал цэг болох Могойн арлаас ухран гарчээ.  

Энэхүү алхам нь Москвагийн цэргийн хүчний хувьд ухралт юм. Ердөө долоо хоногийн өмнө Кремль арлыг эргүүлэн авах гэсэн Украины оролдлогыг няцаасан гэж "онгирч" байсан юм.

Украин Могойн арлыг хяналтандаа байлгаснаар Хар тэнгис дэх үр тариа тээвэрлэх чухал ач холбогдолтой тээврийн замыг нээж хүнсний үнийг өсгөж, зарим улс оронд хомсдол, өлсгөлөнг бий болгох магадлалыг буулгах юм. Гэсэн хэдий ч Кремль Одесса боомтоос гарч буй Украины хөлөг онгоцуудыг аюулгүйгээр нэвтрүүлэхэд бэлэн байгаа гэсэн мэдээлэл алга байна.

Энэ долоо хоногт болсон Их 7-гийн бүлгийн болон НАТО-гийн дээд хэмжээний уулзалтын үеэр Барууны удирдагчид Оросын эсрэг нэгдсэн фронтыг танилцуулсан билээ. Гэвч эрчим хүчний үнэ өсөж, барууны ард түмэн ядарч, удирдагчид дайны төгсгөлийг дүрсэлж чадахгүй хэвээр байна.

Ерөнхийлөгч Байден хэлэхдээ, Орос ялсан ч шатахууны үнэ өсөх магадлалтай гэж мэдэгдсэн нь АНУ дахь завсрын сонгууль ойртож байгаа энэ үед нэлээн эрсдэлтэй мэдэгдэл болов.

Харин Ерөнхийлөгч Владимир Путин дайны үеийн хямралын горимыг үл тоон эрс өөрчлөгдөж, тэвчээртэй, тайван удирдагч гэдгээ харуулж эхлэв.

НАТО-н удирдагчид Хятадыг анх удаа стратегийн “сорилт” гэж үзсэн баттай шинэ алсын харааг зарласны дараа Бээжин НАТО-г “Хятад руу санаатайгаар дайрч, гутаан доромжилж, сөргөлдөөнийг өдөөсөн” гэж буруутгажээ.

Б.Бүжлхамаа