Москвагийн цэргүүд Украины зүүн хэсэгт орших Сиеверодонецк хотыг бүсэлсэн бөгөөд хэдхэн хоногийн дотор таслах боломжтой гэж Луганскийн амбан захирагч мэдэгджээ.
Украин Луганск дахь сүүлчийн цэг болох тус хотыг эзлэхийн тулд цэрэг, нөөц бололцоогоо цутгажээ. Сиеверодонецкийг эзлэн авснаар ерөнхийлөгч Владимир Путин Луганскыг багтаасан аж үйлдвэрийн Донбассыг хяналтандаа авах гэсэн гол ялалтыг авна. Хөрш зэргэлдээх Лысычанск хотын энгийн иргэд хотоосоо дүрвэн гарч байна.
Дорнодод Украины цэргүүд их хэмжээний хохирол амсаж байна. Өдөрт дор хаяж 100 цэрэг үхэж байна. Мөн сумны хомсдолд орж байна. Орос их бууны хангамжийг онилж байгаа тул Украины удирдагчид АНУ болон барууны бусад холбоотнуудаас урт тусгалын зэвсгийг шаардаж буй. Москва Украины баруун хэсэгт байрлах цэргийн агуулахад Америк, Европын танк болон пуужингийн эсрэг системийг устгасан гэж мэдэгдэв.
Дипломат харилцааны хувьд Украинд үзүүлэх дэмжлэгийг барууны орнууд дээр нэмээд бусад орнуудаар өргөжүүлэх Америкийн хүчин чармайлт зогсонги байдалд орсон. Ерөнхийлөгч Владимир Зеленский Украины ЕХ-нд элсэх хүсэлтийг дэмжихээр ажиллаж байна гэж мэдэгдэв.
Сүүлийн 40 жилд тохиолдоогүй ган гачиг, Украины дайны улмаас хүнсний бүтээгдэхүүний үнэ Африкт огцом өссөн нь Сомалийн хүн амын бараг тал хувийг хүнсний хурц хомсдолд оруулаад байна.
Оросжуулалт: Москвагийн цэргүүд тэнд өсөн нэмэгдэж буй босогчидтой тулгарсан ч Кремль өнгөрсөн бямба гаригаас өмнөд хэсэгт эзлэгдсэн Украинчуудад Оросын паспортыг албан ёсоор олгож эхэлжээ.
Б.Бүжлхамаа
www.nytimes.com
