Израилийн парламент эзлэгдсэн Баруун эрэг дэх Израилийн оршин суугчдад иргэний хуулийг хэрэглэх эсэхийг шийдэх санал хураалт явуулсан ч дэмжигдсэнгүй. Ингэснээр эмзэг эвслийн засгийн газрыг унагаж болзошгүй алхам боллоо.
Даваа гаригт гаргасан тус шийдвэр нь Израилийн шууд хяналтад байдаг Баруун эрэг орчмын 61 хувийг удирддаг хоёр шатлалтай хуулийн тогтолцоог сүйрүүлсэн юм. Баруун эрэгт Израильчууд иргэний хуулиар амьдардаг бол палестинчууд ерөнхийдөө цэргийн хуулиар амьдардаг. 1967 онд Баруун эрэгт эзлэгдсэнийхээ дараа анх удаа хоёр шатлалт системийг хэрэгжүүлж эхэлсэн бөгөөд түүнээс хойш хууль тогтоогчид энэхүү системийг таван жил тутамд хялбархан сунгасаар ирсэн. Израиль улс Баруун эрэгт апартейд маягийн системийг ажиллуулж байна гэж буруутгадаг гол цөм нь энэ системд оршдог байна.
Эвслийн засгийн газрын зүүний болон Арабын хууль тогтоогчид, мөн авлигын хэргээр шүүгдэж буй Ерөнхий сайд асан Бенжамин Нетаньяхуг дэмжиж байгаа баруун жигүүрийн сөрөг хүчний хууль тогтоогчид одоогийн эвслийг задлах боломжийг олж харсан тул ийн санал хураалт амжилтгүй болжээ.
Хэрэв зарим хууль тогтоогчид зургадугаар сарын эцэс гэхэд чиглэлээ өөрчлөхгүй бол энэ алхам нь Ерөнхий сайд Нафтали Беннетийн засгийн газрыг унагаж магадгүй юм. Шинжээчдийн үзэж байгаагаар Нетаньяхугийн засгийн газар нь Израилийн түүхэн дэх хамгийн баруун жигүүрийн нэг болно.
Албаны хүмүүс болон хуулийн мэргэжилтнүүд хууль тогтоомжийг сунгахгүй байх нь Баруун эрэгт "эмх замбараагүй байдал" үүсгэж, өдөр тутмын амьдралд нөлөөлнө гэж мэдэгдэв.
Б.Бүжлхамаа
www.nytimes.com
