Дэлхий даяар алдартай, Хатан хааны гэр бүлийн залуу гишүүд, сүр дуулиантайгаар хэргэм зэргээ орхиж явснаас хойш анх удаа Их Британид бараагаа харуулав. Хоёр жилийн турш тэднийг тойрсон явган яриа олон нийтийн сүлжээ, дэлгэцийн дуранд л ил байсан билээ. 

Гэвч Сассексийн гүн, гүнгийн авхай нар Гэгээн Паулын сүмийн баруун хаалган дээр машинаасаа буумагцаа тэд хааны анхаарлын төвд буцаж ирэв.

Ойлгомжтойгоор тэд олны нүдэн дээр бага зэрэг сандарсан харагдсан. Тэд гар, гараа чанга атгасан байв. Меган шулуун захтай Dior сувдан цагаан плаж өмсчээ.

Тэд хоорондоо үг сольж байсан ч та тэдний болгоомжлол илт мэдрэгдэж байлаа.

Баасан гаригт болсон Хатан хааны Платинум ойн баярт талархал илэрхийлэхийн тулд Гэгээн Паулын сүмийн гадаа хааны гэр бүлийг дэмждэг олон хүн цугларчээ.

Хосууд шатаар өгсөх агшинд олон түмэн алга ташиж, уухайлан дэмжиж байв. Энэ нь хосууд 2020 оноос хойш анх удаа олны нүдэн дээр хамтдаа гарч байгаа тохиолдол юм. Хамгийн сүүлд тэд Вестминстерийн сүм дэх Хамтын нөхөрлөлийн арга хэмжээнд оролцож байжээ. Тэр үеийн хааны гэр бүлийн уур амьсгал энд болсонтой харьцуулвал хамаагүй хүнд байсан байх. 

Хааны арга хэмжээний дэс дараа, дэг жаяг үргэлж нямбай, нарийвчлалтай байдагчлан тус арга хэмжээ тэр ёсоор болж өнгөрөв.

Ямар нэгэн эвгүй дүрслэлээс зайлсхийж Ханхүү Харри, Меган нар Кембрижийн гүн, гүнгийн авхай нарын эсрэг талд суужээ.

Тэд гүнж Евгений болон түүний нөхөр Жек Бруксбанк нартай зэрэгцэн нэг талд суув. Хосууд ойр дотно харагдав. Тэдний нөгөө талд Маргарет гүнжийн охин, Хатан хааны хайртай зээ Сара Чатто хатагтай байв. Энэ бол аюулгүй суудлын төлөвлөгөө байсан аж.

Б.Бүжлхамаа

www.bbc.com