Кенийн төв банк түүхий эдийн үнэ өсөхтэй холбоотой инфляцийн хүлээлтийг хангахын тулд сүүлийн долоон жилийн хугацаанд анх удаа үндсэн хүүгээ гэнэт өсгөв.

Мөнгөний бодлогын хороо хүүг 50 суурь нэгжээр нэмэгдүүлж, 7.5 хувьд хүргэсэн гэж амбан захирагч Патрик Нжороге даваа гарагт цахимаар мэдэгджээ. Энэ нь 2015 оны долдугаар сараас хойшхи анхны өсөлт юм. Bloomberg-ийн судалгаанд оролцсон таван эдийн засагчийн хэн нь ч энэ алхамыг урьдчилан таамаглаагүй байна.

"Дэлхийн зах зээл дээрх түүхий эдийн үнэ нэмэгдэж, нийлүүлэлтийн сүлжээ тасалдсанаас үүдэн инфляцийн хэтийн төлөвт эрсдэл ихэссэн учир ийм шийдвэр гаргасан" гэж Нжороге хэлэв.

Бодлого боловсруулагчид энэ онд зээлийн зардлаа өсгөсөн 60 гаруй төв банкны эгнээнд ийн нэгдэж байна. 

Мөнгөний бодлогын хорооны (MPC) хурлын өмнө явуулсан гурван судалгаагаар инфляцийн өсөлт, Украины дайны түүхий эдийн үнэд үзүүлэх нөлөө, нийлүүлэлтийн сүлжээ тасалдсан, улс төрийн идэвхжил нэмэгдсэн зэрэгт санал асуулгад оролцогчид санаа зовж байгааг харуулж байна гэж хурлыг даргалагч хэлэв.

Зүүн Африкийн зарим хэсэгт удаан үргэлжилсэн ган гачгийн улмаас зээлийн эрсдэл нэмэгдэж, үнийн дарамт нэмэгдэж, шиллингийн ханш хамгийн доод түвшинд хүрч, нийлүүлэлтийн сүлжээ тасалдсан нь өнгөрсөн долоо хоногт банкируудын лобби бүлгийг Төв банкнаас үндсэн хүүгээ нэмэгдүүлэхийг уриалахад хүргэв.

Дөрөвдүгээр сард инфляци 6.5%-д хүрч, Төв банкны зорилтот 2.5%-7.5%-д ойртлоо. Bloomberg-ийн 10 эдийн засагчаас авсан тусдаа судалгаагаар жилийн инфляци энэ онд дунджаар 6.5% байхаар төлөвлөж байсан бол өмнөх таамаглал 6.2% байна.

Стандарт Чартеред банкны Африк, Ойрхи Дорнодын судалгааны албаны дарга Разия Хан "Валютын ханш болон инфляцийн дарамтыг харгалзан бодлогын хүүг өсгөх нь зөв алхам байсан" гэж цахим шуудангаар мэдэгдэв. Энэ нь Кенийн Төв банк үнийн тогтвортой байдлыг эрхэмлэх талаар зөв мессежийг илгээж байна гэж тэр хэлэв.

Кенийн төв банк нь Өмнөд Африкаас Нигери хүртэлх бүс нутгийн түншүүдтэй нэгдэж, үнийн өсөлтийг хязгаарлаж, АНУ болон Европын эрсдэл багатай зах зээлд өгөөжөө хайж буй хөрөнгө оруулагчдыг татах зорилгоор зээлийн зардлыг өсгөж байна.

Хүүгийн өсөлт нь шиллинг болон инфляцийн хүлээлтийг дэмжихэд тустай ч эдийн засгийн өсөлтийг удаашруулж, наймдугаар сард болох сонгуулийн өмнө зарим улстөрчдийн шүүмжлэлд хүргэж болзошгүй юм. Кени улсын Парламентын Төсвийн алба өнгөрсөн жил 7.5%-иар өссөнтэй харьцуулахад энэ онд 4.9%-иар тэлэхээр төлөвлөж байна.

MPC Украинд үргэлжилж буй дайн болон дэлхийн бусад хямралын эдийн засагт үзүүлэх сөрөг нөлөөлөл гэж үзэж байгаа ч 2022 онд тогтвортой байх болно гэж Нжороге хэлэв.

Б.Бүжлхамаа

www.nytimes.com