ОХУ-ын Украин дахь дайны талаарх дэлхий нийтийн яриа тулаан хэрхэн дуусах, ялалтыг хэрхэн тодорхойлох талаар улам бүр төвлөрч байна.
Барууны зарим дуу хоолой болсон Франц, Италийн удирдагчид болон АНУ-ын Төрийн нарийн бичгийн дарга асан 98 настай Генри Киссинжер нар "харилцан буулт" хийхийг санал болгожээ.
Украин энэ санааг эрс эсэргүүцэж байгаа юм. Пүрэв гаригт Ерөнхийлөгч Владимир Зеленский уг саналыг Баруун Европ 1938 онд нацист Германыг намжааж байсантай зүйрлэн ярьжээ. Бусад албан тушаалтнууд Крымын хойгийг оролцуулан улсаа бүхэлд нь чөлөөлөх хүртлээ тэмцэхээ амласан байна.
Төв болон Зүүн Европын удирдагчид бүрэн ангижрахыг дэмжиж байгаа бөгөөд дайныг хэлэлцээрээр дуусгах санааг аюултай гэж үзжээ. Ерөнхийлөгч Владимир Путин Украины арми бүрэн бууж өгөхөөс өөр зүйлийг хүлээж авах эсэхийг хэн ч мэдэхгүй.
Оросууд Харьковын төвийг их буугаар буудаж, олон хүн амиа алдаж, шархадсан. Мөн Донецк мужид дор хаяж дөрвөн энгийн иргэн амиа алдсан гэж Украины албаны хүмүүс өчигдөр мэдээлжээ.
Хориг арга хэмжээнүүд хүндэрсэн тул Оросын төв банк бодлогын хүүгээ бууруулж, Путин хөдөлмөрийн хөлсний доод хэмжээг нэмэгдүүлж, цэргийн тэтгэмжийг нэмэгдүүлэхээр болсон байна.
Б.Бүжлхамаа
www.nytimes.com
