Украины дайныг эсэргүүцсэн Оросын дипломат Борис Бондарев НҮБ дахь ОХУ-ын байнгын төлөөлөгчийн газрын дипломат ажилтан албан тушаалаасаа огцорч байгаагаа зарлажээ.

Түүний энэхүү алхам өнөөг хүртэл хийсэн олны анхаарлын татсан хамгийн том эсэргүүцлийн дохио боллоо.

Дунд шатны албан тушаалтан Борис Бондарев дипломатуудад хандан цахим захидал илгээсэн байна. Тэрээр "Би эх орноосоо хэзээ ч ийм их ичиж байгаагүй" гэжээ.

Тэрээр энэ түрэмгийллийг Украин болон Оросын ард түмний эсрэг гэмт хэрэг гэж тодорхойлж, "Таймс" сонинд өгсөн ярилцлагадаа "Кремль үндсэндээ бүх зүйлийг буруу хийсэн" гэж мэдэгджээ.

Швейцарийн Давос хотноо Украины Ерөнхийлөгч Владимир Зеленский дэлхийн эдийн засгийн форумд оролцож, Оросын дипломатууд болон олигархиудыг оролцохыг хориглосон дэлхийн бизнесийн удирдагчдад хандан үг хэлсэн байна.

Зеленский бусад улсыг Украины үр тарианы экспортод аюулгүй коридор бий болгохыг уриалж, Оросын газрын тос, худалдаанд бүрэн хориг тавих, мөн Оросын бүх банкуудыг дэлхийн санхүүгийн сүлжээнээс салгах ёстой хэмээн шахалт үзүүлжээ. 

Тэрээр мөн бизнес эрхлэгчдийг Оросоос зугтаж, Украинд дэлгүүр нээхийг уриалж, дайны дараах авлига, хээл хахуульд нэрвэгдсэн, "дайны гэмт хэрэг"-тэй холбоогүй орчин бий болно гэж амласан байна.

Дайнтай холбоотой бусад шинэчлэлтүүд:

• Украины шүүх 21 настай орос цэргийг дайны гэмт хэрэг үйлдсэн гэм буруутайд тооцож, бүх насаар нь хорих ял оноолоо.

• Украины зүүн фронт дахь ширүүн тулаанууд дайны эрчмийг өөрчилж чадсангүй.  Америкт үйлдвэрлэсэн M777 гаубицууд Украинд шийдвэрлэх давуу талыг өгч чадна.

• Starbucks Оросоос гарч байна.

• Дайны улмаас Украины 350 гаруй түүхэн дурсгалт газрууд сүйдсэн гэж тус улсын Соёлын сайд мэдэгджээ.

Б.Бүжлхамаа

www.nytimes.com