Оросын цэргүүд зэвсэггүй гудманд алхаж байсан энгийн хоёр иргэнийг хороожээ. Энэ тухай баримтжуулсан хяналтын камерын бичлэгийг ВВС агентлаг олж авснаа нийтэд цацлаа.
Тус бичлэгт харуул ажилтай 65 настай Леонид Пляцын амьдралын сүүлийн мөчүүдийг харуулсан байна. Бичлэгээс үзэхэд хэсэг бүлэг орос цэрэг байгууллагын хашааны гадна ирээд Леонид болон тус байгууллагын удирдлагатай ярилцсан байна. Дараа нь хоёр цэрэг Леонид болон түүнтэй хамт явж байсан хүний ар нуруу руу бууджээ. Үүний дараа цэргүүд байгууламж руу нэвтэрч, эмх замбараагүй байдал үүсгэсэн байна. Леонид шархадсан ч хамгаалагчийн пост руу очиж тусламж дуудах гэж оролдсон байна. Гэвч тэрээр амь гарч чадаагүй.
Энэ тухай сурвалжилгыг ВВС агентлагийн сэтгүүлч Сара Рейнсфорд Леонидын найзууд болон түүний охинтой ярилцаж нийтэлсэн байна.
