Украины Мариуполь хотод 200 орчим энгийн иргэд байлдааны ажиллагаа явуулж байсан "Азовсталь" гангийн үйлдвэрт орогнож байхад Оросын цэргүүд эсэргүүцэл үзүүлсэн хэмээн устгахыг оролдсон гэжээ.
Украины командлагч хэлэхдээ, тус үйлдвэрийн газар доорхи бункер, урсацын хоргодох байранд "хүнд, цуст тулаан" болж байна гэсэн юм. Хуучин ажилчин байсан хүн нэвтэрч болох хонгилыг замыг зааж өгөх үед Оросын цэргүүд цогцолбор руу нэвтэрчээ. Орос мөн зүүн фронтын гол цэгүүдийг бөмбөгдөж, стратегийн ач холбогдол бүхий Краматорск хот руу пуужин харвасан байна.
Энэхүү довтолгоо нь Зөвлөлт Холбоот Улс нацист Германыг ялсны баяр болох тавдугаар сарын 9-ний өмнөхөн болж байгаа юм. Ерөнхийлөгч Владимир Путины хүчирхэг бэлэг тэмдэг болоод буй Мариуполь хотыг эзлэн авбал ялалтын баярын өмнөх томоохон амжилт болох юм.
Украин хүнд цохилт авсан ч хүчтэй хэвээр байна. Украины арми зүүн хэсгийн Харьков хотын ойр орчмын хэд хэдэн тосгоныг эргүүлэн авч, оросуудыг хотоос хорин миль зайд шахан гаргажээ.
Мариуполь хотод Оросууд гуравдугаар сард далайн эргийн театрт бөмбөг дэлбэлсний улмаас 600 орчим хүн амь үрэгдсэн гэж Associated Press мэдээлсэн бөгөөд энэ нь одоогийн байдлаар дурдсан амиа алдагсдын тооноос бараг хоёр дахин их байна.
Барууны засгийн газруудын хүсэлтийг үл харгалзан Энэтхэг Оросын нефтийг хямд үнээр авсаар байна.
Стратегийн хувьд АНУ-ын тагнуулын алба Украинд Оросын генералуудыг устгахад тусалсан гэж Америкийн албаны хүмүүс мэдэгджээ. Украины албаныхан фронтын шугамд ойролцоогоор 12 генералыг хөнөөсөн гэж мэдэгдсэн нь цэргийн шинжээчдийг гайхашруулжээ.
Б.Бүжлхамаа
www.nytimes.com
