АНУ-ын Дээд шүүх бараг 50 жилийн өмнөх эмэгтэйчүүдийн үр хөндүүлэх эрхийг хангаж, үндсэн хуулиар тогтоосон "Роу Вэйд"-ийн гэх шийдвэрийг хүчингүй болгохоор хэлэлцэж, энэхүү төсөл үнэн болохыг баталжээ.

Үр хөндөлтийн хууль ёсны эсэхийг шүүх тус тусад нь тогтооно гэсэн дүгнэлтийн төслийг эцэслэн батлахаас өмнө өөрчилж болно гэж шүүх онцоллоо. Даваа гаригийн орой энэ мэдээг цацагдсаны дараа охид, эмэгтэйчүүд шүүхийн гадаа цугларч, эсэргүүцлээ илэрхийллээ.

Энэхүү ноцтой байдал нь улс төрд "газар хөдлөлт"-ийг үүсгэжээ.

Ерөнхий шүүгч Жон Робертс мэдээллийг хэн задруулсаныг шалгах тушаал өгсөн бөгөөд үүнийгээ "шүүхийн итгэлээс урвасан явдал" гэж нэрлэжээ. 

Эцсийн шийдвэр нь хамгийн багадаа нэг сарын дараа гарах юм.

Хэрэв "Роу Вэйд"-ийн гэх шийдвэрийг унагавал АНУ өөр өөр мужуудад өөр өөр хуулиудын нөхөөс гарах болно. Нэгэн тооцоогоор хууль ёсны үр хөндөлтийн тоо 13 орчим хувиар буурна гэж үзэж байна. Нэг ёсондоо хэрэв энэ шийдвэр хүчингүй болвол АНУ-ын бараг тал нь буюу 22 муж үр хөндөлтийн эсрэг болж байгаа юм.

Энэ үйл явдалд Ардчилсан намынхан бие биенээ буруутгаж байх үеэсд Бүгд найрамдах намынхан нам гүмхэн баяраа тэмдэглэж эхэлжээ. 

Харин Ерөнхийлөгч Байден үр хөндөлтийн эрхийг баталгаажуулах хууль гаргахыг уриалжээ.

Энэ шийдвэр нь "Амьдрал жирэмслэхээс эхэлдэг" гэж үздэг консерватив үзэлтнүүдийн олон арван жилийн кампанит ажлыг төгсгөлд хүргэх болно.

АНУ-д эмэгтэйчүүдийн үр хөндүүлэх эрхийг хангасан "Роу Вэйд"-ийн гэх шийдвэр нь Үндсэн хуульд байхгүй эрхийг зохион бүтээсэн гэж үздэг.

Европт үр хөндөлт өргөн тархсан байдаг ч улс орнууд хууль ёсны болгоход өөр өөр ханддаг билээ. 

Судалгаа: Үр хөндөлтийн дийлэнх хувийг 20-иод насны эмэгтэйчүүд эзэлж байгаа ба 1000 эмэгтэй тутмын 27 нь үр хөндөлт хийлгэдэг гэжээ.

Б.Бүжлхамаа

www.nytimes.com