Дөрөвдүгээр сард коронавирус Хятадын томоохон хотуудад тархаж, Шанхай хотын 25 сая оршин суугч хэдэн долоо хоног хөл хорионд байв. Одоо ч хөл хорио хэвээр үргэлжилж байна. Мөн бусад томоохон хотууд ч хөл хоригдохгүйн тулд илрүүлэг шинжилгээнүүдэд идэвхтэй хамрагдаж байна.
Одоогоор Хятадын удирдагч Ши Жиньпин олон нийтэд хандаж ямар ч үг хэлээгүй байгаа.
Хоол хүнс хомс, эмнэлгүүд ачаалал ихтэй байна гэсэн гомдол улам ширүүссэн ч удирдагч Ши хөшигний ард үлджээ. Энэ байдал нь Ши Жиньпинд улс төрийн мессежийн гол цөм болсон тэг-ковид стратегийн сорилттой тэмцэхээс зайлсхийх боломжийг олгов.
Хятад улс ковидын халдварын хамгийн том өсөлтийг намжаахын тулд хийж буй тэмцэл нь энэ оны сүүлээр болох Коммунист намын их хурлын өмнө Ши Зиньпингийн гол шалгуур болж байна. Түүнийг энэ удаа намын ерөнхий нарийн бичгийн даргаар гурав дахь удаагаа сонгогдох нь гарцаагүй гэж ажиглагчид үзэж буй.
Ши Жиньпин Хятадын чадавхийг харуулахын тулд вакцинд маш их хөрөнгө оруулалт хийсэн тул засгийн газар гадаадад боловсруулсан мРНХ вакциныг нэвтрүүлэхээс татгалзсан. мРНХ вакцин нь ерөнхийдөө Хятадад үйлдвэрлэсэн вакцинаас илүү үр дүнтэй байгаа юм.
Бээжинд ковидын тохиолдол нэмэгдэж байгаа тул өнгөрсөн амралтын өдрүүдэд ресторанд хооллохыг хориглож, олон нийтийн газар нэвтрэхийн тулд шинжилгээний сөрөг хариу шаардаж эхэллээ.
Б.Бүжлхамаа
www.nytimes.com
