Өмнөд Солонгосын Дээд шүүх цэргийн бус нөхцөлд ижил хүйстнүүдийн тохиролцсон бэлгийн үйл ажиллагаа хийхийг цэргийнхэн шийтгэх ёсгүй гэж мэдэгджээ.

Ийн шийдвэр гаргахдаа шүүх цэргийн баазаас гадна байхдаа харилцан тохиролцсон бэлгийн харьцаанд орсон хэргээр яллагдагчаар татагдсан хоёр эрэгтэй цэргийн гэм буруугийн шийдвэрийг цуцалсан байна.

Өнөөг хүртэл "шулуун гэдсээр бэлгийн хавьталд орсон эсвэл бусад зүй бус үйлдэл" хийсэн цэргүүд харилцан тохиролцсон эсэх, үйл ажиллагаа нь хаана явагдсанаас үл хамааран хоёр жилийн хорих ялаар шийтгүүлж байсан юм.

Хүний эрхийн бүлгүүд уг хуулийг гей цэргүүдийн эсрэг “шулам агнах” арга хэмжээ гэж удаан хугацаанд буруушааж ирсэн юм.

Харин пүрэв гаригт тэд шүүхийн шийдвэрийг сайшааж, үүнийг Өмнөд Солонгос дахь L.G.B.T.Q-ийн хувьд "том дэвшил", "том ялалт" гэж нэрлэжээ. 

Өмнөд Солонгост ижил хүйстний гэрлэлтийг хүлээн зөвшөөрдөггүй. Сүүлийн жилүүдэд баруун жигүүрийн Христийн шашны хүчирхэг бүлгүүд ижил хүйстнүүдийн эсрэг кампанит ажлыг эрчимжүүлж, ижил хүйстэн цэргүүд ДОХ-ын халдвар тарааж, Хойд Солонгостой тулалдах цэргийн бэлэн байдалд сөргөөр нөлөөлнө гэж суртал ухуулга тарааж байсан юм.

Б.Бүжлхамаа

www.nytimes.com