Москва Украины зүүн хэсэгт хяналт тогтоох довтолгоогоо эхлүүлж байгаагаа зарласан. Тэд тус улсын аж үйлдвэрийн гол бүс нутагт олон зуун барилга байшинг нэг шөнийн дотор бөмбөгдсөн байна.
Украин Оросын анхны оролдлогыг эсэргүүцэж байна гэж мэдэгдсэн ч маргаантай бүс нутаг нь бүрэн хэмжээний довтолгоонд бэлтгэж байна. Хэдэн зуун мянган энгийн иргэд хаашаа ч хөдөлж нүүж сууж чадахгүй түгжигдсэн хэвээр байна.
Пентагоны тооцоолсноор Орос аль хэдийн 8000-11000 цэрэг нэмж зүүн зүг рүү шилжүүлэн, хэдэн арван мянган цэрэг нөөцөд байлгаж байгаа юм. Өргөн хүрээтэй довтолгоо нь мөргөлдөөнийг дахин хэлбэрт оруулж магадгүй аж.
Оросын цэргийн кампанит ажил нь дайны эхний өдрүүдээс хамаагүй илүү арга барилтай харагдаж байна. Украин болон Пентагоны албаны хүмүүсийн хэлснээр Оросын арми “бүх үйл ажиллагаанд” оролцон жижиг хэмжээний дайралт хийх нь ихэвчлэн томоохон цэргийн шилжилт хөдөлгөөн эсвэл бусад фронтоос анхаарлыг сарниулах шалтгаан болдог гэсэн юм.
Украинчууд олон улсын олон нийтийн дэмжлэгийг авахын тулд интернет мем ашиглаж, бараа бүтээгдэхүүн зарж байна.
Мөн Мариуполь дахь гангийн томоохон үйлдвэрт дор хаяж 1000 энгийн иргэн гацсан бөгөөд Украины хүчнийхэн хотын сүүлчийн хамгаалалтыг хийж байна. Харьков хотод Оросын их бууны цохилтод дор хаяж гурван хүн амиа алджээ.
Б.Бүжлхамаа
www.nytimes.com
