Украины зүүн нутагт Оросын хамгийн аймшигт довтолгоо эхэлсэн гэж Украины аюулгүй байдлын дээд албан тушаалтан мэдэгдэв. Оросын зэвсэгт хүчин Донбас болон Харьковын бүс нутгийг дайран өнгөрдөг 300 миль фронтын шугамыг хоёр тусдаа цэгээр дайран оржээ.
Орос Украиныг өмнөх долоо хоногт хамгийн өргөн хүрээтэй пуужингийн цохилтоор дайрсны дараахан энэхүү цохилт эхэлж байна. Оросын тал Украины 300 гаруй цэргийн объект, түүний дотор шатахууны болон бусад эд хадгалах агуулах руу цохилт өгсөн гэж мэдэгджээ.
Львов хотын баруун хэсэгт мөн халдлага үйлдэгдсэн байна. Тэнд болсон халдлагын үеэр долоон хүн амиа алдсан нь тус улсын бусад хэсгээс дайнаас зугтан цугласан олон хүмүүсийн орогнох газар байсан энэ газрын тайван мэдрэмжийг үгүй хийлээ.
Мөн Оросын арми Николайев, Харьков зэрэг томоохон хотуудад их буугаар цохилт өгч, суурьшлын бүсэд зургаан хүн амь үрэгджээ. Эдгээр довтолгоонууд нь Украины цэргүүдийг зангидаж, Орос довтолгоонд бэлтгэж байх үед тэднийг зүүн зүгт тулалдаанд оролцоход саад болж байна.
Украины цэргүүд Оросын цэргүүдээс тосгоноо эргүүлэн авахаар оролдож байх үедээ энгийн иргэдэд хор хөнөөл учруулахуйц, олон улсын хэмжээнд хориглогдсон кластер сум ашигласан байх магадлалтай байна .
Оросын төв банкны тэргүүн барууны хориг арга хэмжээний үр дагавар дөнгөж мэдрэгдэж эхэлж байна гэж анхааруулсан нь Ерөнхийлөгч Владимир Путины мэдэгдлийг үгүйсгэж байна.
Дэлхий даяар дайн үндэсний сүмүүд, сүм хийдүүд, тэр байтугай гэр бүлүүдийг хооронд нь хувааж, Оросын түрэмгийллийг өдөөсөн Оросын үнэн алдартны сүм болон Патриарх Кириллтэй харилцах харилцаанд дахин асуудал эхлүүлэв.
Б.Бүжлхамаа
