ДЭМБ-ын тооцоолсноор 2021 оны эцэс гэхэд 15 сая хүн коронавирусийн тахлын улмаас нас барсан нь өмнөх тооцооноос хоёр дахин их байгааг харууллаа. Нэг жил гаруй судалж хийсэн уг тооцоог олон нийтэд ил болгохгүй байхыг хичээсэн Энэтхэгийн эсэргүүцлийн улмаас эцсийн үр дүн олон сараар хойшилогдон дэлгэгдсэн нь энэ аж.
Энэтхэг улс ДЭМБ-аас гаргасан дор хаяж дөрвөн сая хүн ковидын улмаас нас барсан гэсэн үнэлгээтэй маргаж байгаа бөгөөд энэ нь дэлхийн хамгийн өндөр үзүүлэлт юм.
Харин Энэтхэг улсын зүгээс 520 мянга гаруй хүн нас барсан гэж мэдээлж байна.
Энэхүү маргаан, саатал нь эрүүл мэндийн статистикийн тогтвортой ертөнцөд эмх замбараагүй байдал үүсгэж байгаа юм. Олон шинжээчид ДЭМБ-ын мэдээлэл нь тахал хэрхэн өрнөж, ирээдүйд үүнтэй төстэй хямралыг бууруулахад ямар арга хэмжээ авч болохыг ойлгоход чухал ач холбогдолтой гэж үзэж байна.
Хятад, Орос зэрэг бусад улс орнуудад мөн албан ёсоор нас барсан хүмүүсийн тоо эргэлзээтэй байна. ДЭМБ цар тахлын үеэр нэг сая гаруй Орос хүний нас баралтыг олсон нь тус улсын засгийн газрын тооцоолсноос 300 мянгаар зөрж байна. Гэхдээ Кремль дутуу тоолоогүй гэж мэдэгдэж байгаа ч засгийн газар ДЭМБ-аас мэдээлэл гаргахыг зогсоох оролдлого хийсэнгүй.
Б.Бүжлхамаа
www.nytimes.com
