Халуун савтай цай авчрахаар гэрийнхэнтэйгээ алхаж байгаад мэргэн буучид өртөж амиа алдсан ээж. Амиа алдахын өмнө үслэг дээлээс өөр юмгүй нүцгэн эмэгтэй төмсний зооринд хэд хоног цоожлогдож, биеэ боол болгон барьсан байжээ. Эгч дүү 2 гэртээ нас барж, хөрсөн бие нь хэдэн долоо хоногийн турш шалан дээр хэвтэж байв.

Эдгээр төрхүүд нь нэг сарын турш Оросын цэргүүдэд эзлэгдсэн Киевийн захын Буча хотын үнэн байдал. "Таймс" сонины сурвалжлагч болон гэрэл зурагчид үүнийг баримтжуулсан дүр зураг юм.

Долоо дахь долоо хоногтоо өрнөж буй дайн зүүн зүгт хурцдах төлөвтэй байна. Ерөнхийлөгч Владимир Зеленский “Оросын хэдэн арван мянган цэрэг Украины зүүн хэсгийн Донбасс мужид томоохон дайралтад ороход бэлэн байгаа" гэж анхаарууллаа.

Орос Украины зүүн хэсэг рүү явган цэргийн болон байлдааны нисдэг тэрэгний дэмжлэг үзүүлэх анги, их буу зэрэг олон зуун цэргийн машин илгээж байгааг Пентагон баталжээ.

Оросын зүүн нутгийн Краматорск хотын албаны хүмүүс хөл хөдөлгөөн ихтэй галт тэрэгний буудал руу пуужингаар цохилт өгсний улмаас амиа алдагсдын тоо 57-д хүрч, 109 хүн шархадсан тухай мэдээллээ.

Мөн Краматорск хотод үлдсэн хүмүүс бүслэлтэд бэлтгэж эхэлжээ.

Байдены засаг захиргаа Украин дахь дайны гэмт хэргийн олон улсын мөрдөн байцаалтад АНУ хэр их тусалж чадах, эсвэл хэр зэрэг туслах ёстой талаар хэлэлцэж байна. 

Б.Бүжлхамаа

www.nytimes.com