Оросын цэргүүд Изиум хотоос Украины зүүн хэсгийн Донбасс дахь стратегийн бай болох Днепр хүртэл томоохон довтолгоо хийх төлөвтэй байна гэж АНУ-ын цэргийн албаныхан мэдэгдлээ.
Халдлага болж магадгүй гэж таамагласаны дараа Украины сайн дурын автобусны жолооч нар оршин суугчдыг аюулгүй газарт нүүлгэн шилжүүлэхэд тусалсан байна.
Өчигдөр буюу ням гаригт Оросууд их буугаар Днепр нисэх онгоцны буудлыг устгасан гэж бүс нутгийн захирагч мэдэгджээ.
Украины нийслэл Киев орчмын бүс нутгуудаас цэргээ гаргасны дараа Орос улс Донбасст цэргийн ажиллагаагаа чиглүүлж, нутаг дэвсгэрээ эзлэн авч, 2014 онд Москва нэгтгэсэн Крым руу хуурай замын коридор бий болгохыг зорьж байна.
Орос улс довтолгоогоо бэхжүүлэхийн тулд генерал Александр Дворниковыг Украины байлдааны дээд командлагчаар бямба гаригт томилсон байна.
Дворников Сирийн дайнд Оросын цэргүүдийг удирдаж байсан бөгөөд тэндхийн энгийн оршин суугчдын хороололд цохилт өгөх тушаал өгсөн гэж буруутгагдаж байсан билээ.
Их Британийн Ерөнхий сайд Борис Жонсон өнгөрсөн бямба гаригт Киевт гэнэтийн айлчлал хийж, Ерөнхийлөгч Владимир Зеленскийтэй чөлөөт уулзалт хийжээ. Өнгөрсөн амралтын өдрүүдэд мөн Украинд айлчилсан Австрийн канцлер Карл Нехаммер өнөөдөр Москвад Ерөнхийлөгч Владимир Путинтэй уулзана гэж мэдэгджээ.
Украины олон мянган цэргийн насны эрчүүд дайнд оролцохгүйн тулд улс орноо орхин явсан. Энэ явдлын дараа, одоо олон хүн өөрийгөө буруутгаж, ичиж байна гэжээ.
Б.Бүжлхамаа
www.nytimes.com
