Ням гаригт болсон Францын ерөнхийлөгчийн сонгуулийн эхний шатанд ерөнхийлөгч Эммануэль Макрон нийт сонгогчдын 28.5 орчим хувийн санал авлаа. Харин хэт барууны үзэлт удирдагч Марин Ле Пенээс 24.2 хувийн санал авсан байна. Урьдчилсан дүнгээр Макрон, Ле Пен нар Дөрөвдүгээр сарын 24-нд болох хоёр дахь шатны сонгуульд ийн тунан үлдлээ.
Ле Пенийн олны анхаарлыг ихэд татсан хүчирхэг үйлдэл нь Европ дахь үндсэрхэг үзэлтэй, гадаадынхныг үзэн яддаг урсгалуудтай уялдаж байгаатай холбоотой аж.
Ийм үйлдлээрээ тэрээр цагаачдын эсрэг байр сууриа шууд биш юмаа гэхэд ядаж ая дангий нь зөөлрүүлэн нийтэд хүргэсэн байна. Тэрээр Францчуудын өдөр тутмын санаа зовоосон асуудал болох шатахууны үнийн огцом өсөлт болон инфляцитай холбоотой асуудалд илүү ойр байгаа мэт сэтгэгдэл төрүүлж чаджээ.
Францыг удирдан коронавирусийн хямралыг даван туулж, ажилгүйдлийг сүүлийн арван жилийн хамгийн доод түвшинд хүргэж, өсөлтийг дээшлүүлсэн ч Макрон сонгуулийн үеэр дотоодын асуудалд бус Украины дайнд анхаарлаа хандуулсан юм.
Түүний бусад нэр дэвшигчидтэй мэтгэлцэхээс татгалзсан нь зарим сонгогчдын дургүйцлийг төрүүлээд байгаа юм.
Санал хураалт хаагдахаас гурван цагийн өмнө сонгогчдын ирц 65 хувьтай байсан нь 2002 оноос хойш болсон Францын Ерөнхийлөгчийн сонгуулийн хамгийн доод үзүүлэлт аж.
Ле Пенийн ялалтаас Франц улсыг харийнхныг үзэн ядах, үндсэрхэг үзэлтэй байр суурьтай болох нь 2016 онд Брекситийн төлөөх Британийн санал хураалт эсвэл мөн онд АНУ-ын ерөнхийлөгч Дональд Трампын сонгууль болсонтой адил цочрол болно хэмээлээ.
Б.Бүжлхамаа
www.nytimes.com
