НҮБ пүрэв гаригт ОХУ-ын Хүний эрхийн зөвлөлийн гишүүнчлэлийг түдгэлзүүлэхээр санал хураалт явуулж, Орос улс тус зөвлөлөөс гарахад хүрлээ. Тэр даруй Хятад улс энэхүү арга хэмжээг эсэргүүцэж байгаагаа мэдэгдсэн байна. Үүнээс гадна АНУ-ын хууль тогтоогчид Москваг худалдааны хөнгөлөлттэй статусаас нь хасч, Оросын эрчим хүчний импортыг хориглох санал өгчээ.

Дипломат дарамт улам бүр нэмэгдсээр байна. Европын Холбоо Оросын нүүрсэнд хориг тавих нь тус улсын чулуужсан түлшнээс ихээхэн хамааралтай улс орнуудын хувьд чухал алхам болж байгаа. Гэвч удаан хугацааны хэлэлцүүлгийн дүнд зарим арга хэмжээг сулруулсан нь ЕХ-ноос хориг арга хэмжээ авах сонирхол буурч магадгүй байгааг харуулав.

Тулаан удахгүй хурцдаж магадгүй байна. НАТО-ын зүгээс Украинд дахин цэргийн тусламж илгээх асуудлыг хэлэлцэхээр хуралдаж, зүүн зүгт Оросын довтолгоо эрчимжихийг хүлээж байна. Тэндхийн албаны хүмүүс энгийн иргэдэд "сүүлчийн боломж"-той тулгараад байгааг анхааруулж, нүүлгэн шилжүүлэхийг уриалав.

Дипломат харилцааны хувьд энхийн хэлэлцээ амжилттай болох боломж тун бүрхэг байна. ОХУ-ын Гадаад хэргийн сайд Украин өмнөх хувилбаруудаас гажсан шинэ хэлэлцээрийн төслийг санал болгосон гэж мэдэгдсэн бөгөөд Беларусийн Ерөнхийлөгч Александр Лукашенко хэлэлцээрт өөрийн улсыг оролцуулахыг шаарджээ.

Дайны байдал:

• Мариуполь хотод хүмүүнлэгийн байдал хүнд байгаа хэдий ч Украины арми ширүүн тулалдааны дунд зогссоор байна гэж албаны хүмүүс мэдэгдэв. Энэ хотод 5000 хүн нас барсан гэж хотын дарга мэдэгджээ.

• Германы тагнуулынхан Оросууд энгийн иргэдийг хөнөөсөн тухай ярилцаж байсан радио дамжуулалтыг чагнасан гэж албаны хүмүүс мэдэгдэв.

• Нүүр царай танигч программыг компаниудыг амьд, үхсэн орос цэргүүдийг таних, тэднийг жүжигчин биш гэдгийг батлах, оросуудад мөргөлдөөний зардлыг харуулах зорилгоор ашиглаж байна.

Б.Бүжлхамаа

www.nytimes.com