Дэлхийн маш олон эмийн бүтээгдэхүүнийг үйлдвэрлэдэг Энэтхэгт дотоодын эм засгийн газрын үнийн дээд хязгаарын ачаар импортынхоос хамаагүй хямд байдаг.
Хэдий Энэтхэг эм зүйн хүчирхэг гүрэн боловч олон ховор өвчний эмчлэх эмийг импортоор оруулж ирэхээс өөр аргагүй юм. Ийм учраас зарим өвчний өртөг өндөр үнэтэй байдаг нь өвчтөнүүдийн гэр бүл ялангуяа аав, ээжүүдийг тэвчишгүй үнэнтэй тулгарахад хүргэж байна.
Өвчтэй хүүхдүүдийн эцэг эхчүүд цөхрөнгөө барсандаа цөөн хэдэн амжилтын түүхээс санаа авч олон нийтийн сүлжээгээр хандив цуглуулах хандлага ихсэж байна.
Тэдний нэг Золгенсма генийн эмчилгээ хийлгэхээр арга ядан буй нэг хос 2.1 сая доллар цуглуулахын төлөө тэмцэж байгаа нь нэг удаагийн эмчилгээнд тогтоосон хамгийн өндөр үнэ гэж тооцогдоод байна. Хосуудын хөлд орж буй хүүхэд нь нугасны булчингийн хатингаршилтай бөгөөд энэ нь ихэвчлэн 2 настайд үхэлд хүргэдэг тул тэрнээс өмнө цаг хугацаа маш бачим байгаа юм.
Нэгэн эх "Би үрийнхээ сүүлчийн амьсгал хүртэл тэмцэх болно" гэв.
Нурууны булчингийн хатингиршил нь удамшлын мэдрэлийн булчингийн өвчин бөгөөд дэлхий даяар нярайн бусад удамшлын эмгэгээс илүү хурдан үхэлд хүргэдэг. Энэтхэгт хамгийн хямд эмчилгээ нь жилд 53,000-80,000 долларын үнэтэй байдаг бөгөөд даатгалд хамрагддаггүй байна.
Б.Бүжлхамаа
