Шанхайн албаны хүмүүс коронавирусийн шинжилгээ эерэг гарсан эцэг эхчүүдэд эерэг хариу авсан хүүхдүүдтэйгээ хамт байхыг зөвшөөрнө. Ийм өрхүүдийг төвлөрсөн тусгаарлах байгууламж руу илгээх аж.
Гэвч хариу нь сөрөг гарсан эцэг эхчүүд халдвар авсан хүүхдээсээ тусгаарлагдсан хэвээр байх болно гэж Хятадын үндэсний вирусын хяналтын удирдамжийг иш татан албаны хүмүүс мэдэгдэв.
Энэхүү бодлогын өөрчлөлт нь олон хоног үргэлжилсэн шуугиан, онлайн уур хилэнгийн дараа болж байгаа юм. Шанхайн эмнэлэгт уйлж буй бага насны хүүхдүүдийн гэрэл зураг, видео бичлэг олон нийтийн хэрэгслээр тархаж эхлэсэн байна. Зарим зураг дээр олон хүүхэд эмнэлгийн коридорт өлгийтэй хэвтэж буйг харуулсан байна. Вирусд үзүүлэх хариу урвал нь вирусээсээ ч дор байна гэж олон хүн шуугиж байна.
Албаны хүмүүс энэ хариуг эцэг эхийн дагалдан явах бодлогын талаар тодруулга гэж нэрлэсэн боловч эмнэлэг нь зураг, видео бодит болохыг хүлээн зөвшөөрч, ковид-эерэг гэр бүлүүдийг салгаж байгааг үгүйсгээгүй аж.
Энэ зуур Weibo-гийн олон хэрэглэгчид тайвширсангүй, 80 сая гаруй удаа үзсэн хаштагийн дор бухимдлаа хуваалцсаар байна.
Дэлхийн бусад хэсэгт ковидтой холбоотой:
-
Хоёр жилийн дараа Өмнөд Африк вирусын улмаас зарласан байсан үндэсний "гамшгийн байдал"-аа дуусгавар болголоо.
-
АНУ-ын сенаторууд одоо дотоодын хариу арга хэмжээнд анхаарлаа хандуулж буй коронавирусийн тусламжийн багцаас дэлхийн вакцины санхүүжилтэд 5 тэрбум долларын санхүүжилт олгох саналыг цуцаллаа.
Б.Бүжлхамаа
www.nytimes.com
