Украины Ерөнхийлөгч Владимир Зеленский мягмар гаригт НҮБ-ын Аюулгүйн Зөвлөлд цахимаар айлчилж, галтай үг хэллээ. Оросууд ухарч, энгийн иргэдийн цогцосны зураг нийгмийн сүлжээнд цацагдаад байсан Буча хотод очсоныхоо дараахан Зеленский дээрх үгийг хэлэв.

Киевийн хойд хэсэгт орших Буча хотод 300 гаруй хүн амь насаа алдсан, цэргүүд хүүхдүүдийн нүдэн дээр эмэгтэйчүүдийг хүчирхийлсэн гэж Зеленский мэдэгдэв. Тэрээр НҮБ-ыг цус урсгах ажиллагааг зогсоож чадахгүй байгаад харамсаж,"Аюулгүйн зөвлөл хаана байна?" хэмээн асуужээ.

Ерөнхийлөгч Зеленский "Дэлхийн энх тайвныг хамгаалах гол байгууллага үр дүнтэй ажиллаж чадахгүй нь ойлгомжтой байна" гэсэн юм.

Түүний хэлсэн үгний араас Европын Холбоо Оросын нүүрсний импортыг хориглохоор хөдөлнө гэдгээ мэдэгдэв. Гэхдээ эрчим хүчний асуудал хурцадмал хэвээр байна. ЕХ-ны хамгийн том эдийн засагтай Герман Оросын эрчим хүчнээс ихээхэн хамааралтай тул цахилгааны энэхүү эх үүсвэрийн залгуурыг зүгээр л салгаад хаячихаж чадахгүй байгаа билээ.

Оросууд Донецк, Луганск дахь салан тусгаарлагчдын тэргүүлдэг бүс нутгуудад анхаарлаа хандуулснаар дайн зүүн тийш чиглэж байна. Цэргийн шинжээчид хангамжийн асуудал, ёс суртахууны доройтол нь Оросын хөгжил дэвшилд саад учруулсан бөгөөд “дараагийн гол тулаан” зүүн нутгийн Славянск хотод болно гэж мэдэгджээ.

НҮБ-ийн Аюулгүйн зөвлөл Кремлийн эсрэг ямар нэгэн арга хэмжээний талаар тохиролцохгүй нь бараг тодорхой болоод байна. Тэд ядаж Орос болон түүний холбоотон Хятадад хориг тавих эрхтэй ч юу ч хийхгүй байгаа юм.

Дайны байдал:

• Киевээс баруун хойд зүгт орших Бородянка хотод агаараас хүчтэй бөмбөгдсөний дараа 200 орчим хүн сураггүй болж, амь үрэгдсэн гэж таамаглаж байна.

• Киевээс зүүн зүгт 60 милийн зайд орших Нова Басан хотын оршин суугчид зодуулж, амь насаа алдсан нь нэг сарын турш үргэлжилсэн эзлэгдсэн ажиллагааны нэг хэсэг гэж тайлбарлав.

Б.Бүжлхамаа

www.nytimes.com