Түүхэн дэх хамгийн үнэтэй салалтуудын эзэн Мелинда Гейтс болон Маккензи Скотт нар хамртан хуучин нөхрүүдээсээ арай өөр төрлийн хандивын ажлыг дэмжихээр болсон байна.

Мелинда Гейтс салалтаасаа өвлөж авсан эд хөрөнгийнхөө ихэнх хувийг Гейтсийн санд зориулахаа больсон гэж Уолл Стрит сэтгүүл лхагва гаригт мэдээлжээ.

Тэрээр Билл Гейтстэй хамтран хорь гаруй жилийн өмнө эхлүүлсэн сангаасаа гадуур хандивын ажил хийхээр болсон байна. Мелинда Гейтс өөрийн хөрөнгөө яг хаашаа зарцуулах талаар тодорхой мэдээлэл хийгээгүй ч өнгөрсөн оны сүүлээр хэвлэгдсэн өөрийн бие даасан Giving Pledge захидалдаа буяны үйлсийн энэ шинэ үе шатанд хэрхэн хандахаа илэрхийлсэн байна.

Тэрээр "Бид хамтран ажилладаг хүмүүс болон байгууллагууддаа итгэл үзүүлж, амжилтыг өөрсдийнхөө нөхцөлөөр тодорхойлох нь чухал" хэмээн бичжээ.

Энэхүү мэдэгдэл нь Маккензи Скоттсийн "медиум"-даа нийтлэсэн агуулгатай төстэй байгаа юм. Тэрээр "Бид олон нийтээс анхааралтай сонгогдсон олон зуун багуудын нөлөөллийн түүх, бодит ойлголтод итгэдэг" гэж бичжээ.

Франц Гейтс, Скотт нар тэтгэлэг авагчдад гар нийлэн шийдвэр гаргах боломжийг нээсэн нь хуучин ойлголт биш, гэхдээ энэ нь яг ийм сэтгэлээр илүү их хандив өгөх үүд хаалгыг нээж магадгүй гэж Сиатлийн Их сургуулийн удирдлагын дэд профессор Элизабет Дэйл бичсэн байна.

Харин "Итгэлцэлд суурилсан буяны үйл ажиллагаа нь санхүүжүүлэгчдэд мөнгө нь үнэхээр өөрчлөлт хийж байгаа эсэхийг хэмжихийг эрэлхийлдэг үр дүнд төвлөрсөн арга барилаас ялгаатай аж. АНУ-ын зарим томоохон сангуудын төлөөлөл болох Hewlett Foundation, Гейтсийн сан хүртэл үр дүнд чиглэсэн хэв маягийг илүүд үздэг бөгөөд энэ нь ялангуяа технологийн тэрбумтнуудад таалагддаг" гэж Сан Диегогийн Их сургуулийн Ашгийн бус хүрээлэнгийн профессор Ханс Шмитц хэлжээ.

Мөн Шмитцийн тайлбарласнаар, итгэлцэлд суурилсан хандив гэх энэхүү Мелинда Гетс болон Маккензи Скот нарын баримтлахаар шийдэж буй хандивын шинэ хэв маяг нь “Ер нь бид зүгээр л мөнгө хэрэгтэй байгаа хүнд нь хандивыг нь өгчихье, тэд өөрөө өөрсдөндөө юу хэрэгтэй байгаагаа шийдэг” гэсэнтэй агаар нэг юм. 

Мелинда Гейтс, Скотт нар илүү итгэлцэлд суурилсан хандлагыг уриалж байгаа цорын ганц хүмүүс биш юм. Цар тахлын эхэн үед 800 гаруй сан Сангийн зөвлөлөөс одоогийн буцалтгүй тусламжийн хязгаарлалтыг сулруулж, арилгах амлалтад гарын үсэг зурж, "Ковид-19"-ээс үүдэлтэй олон янзын хямралыг даван туулах хамгийн сайн шийдлийг сангаас олж чадахгүй гэдгийг хүлээн зөвшөөрч байсан юм.

Итгэлд суурилсан филантропийн үүсгэн байгуулагч, удирдах хорооны гишүүн Пиа Инфанте "Энэ нь зааны соёогоор хийсэн цамхаг эсвэл зөвлөхүүд болон ашгийн бус байгууллагуудтай хамтран стратегийн сэтгэлгээ хийдэг уламжлалт буяны үйлсээс тэс өөр юм" гэж хэлжээ.

Ийм төсөл нь олон жилийн хугацаатай, буцалтгүй тусламж, тэтгэлэг авагчдад бичиг цаасны ажлыг хялбарчлах зэрэг сангуудад зориулсан олон арга барилыг нэг юм.

Скоттын хандив хоёр жил хүрэхгүй хугацаанд 8,75 тэрбум доллар нь хязгаарлалтгүй буцалтгүй тусламж хэлбэрээр байсан. Харин Мелинда Гейтс үүнийг хийх эсэхийг бид мэдэхгүй. 2030 он гэхэд АНУ-д эмэгтэйчүүдийн эрх мэдэл, нөлөөг нэмэгдүүлэх санааг тодорхойлох зорилготой "Тэгш байдлын хүлээж чадахгүй" уралдаанд хоёр эмэгтэй өнгөрсөн жил хамтран ажилласан. Дөрвөн ялагч тус бүр 10 сая ам.долларын шагнал хүртэж, цаашид үргэлжлүүлэн ажиллахаар болсон юм.

Б.Бүжлхамаа